俘虜紫薯控!澳門心太軟紫薯流心班戟,冬天食簡直暖到入心~~
去澳門個個都剩係識食豬扒飽、水蟹粥、魚翅麵⋯⋯但其實都有好多精緻既甜品可以滿充你既少女心。好似呢間位於鏡湖馬路既咖啡店就好清楚少女們鍾意食咩野啦,推出左紫薯雪糕班戟,剩係睇個薰衣草色已經好靚,岩哂你又影又食。不過原來內有乾坤,一切開原來係紫薯軟心,仲係真材實料紫薯蓉,成口紫薯超幸福啊~~呢個班戟有樣有質素,紫薯配上濃郁既蛋香,味道更上一層樓,所以得到唔少網民推介。另外,抹茶紅豆鐵板班戟都係必點,係凍冰冰既雪糕上面倒上熱辣辣既抹茶醬,冰火交融,唔講以為上左天堂~~
好多紫薯蓉留出黎啊~~~~
同雪糕撈埋一齊,顏色好似星空咁靚!
見住鐵板熱辣辣,即刻感覺好溫暖
仲可以叫埋紫薯latte襯返一set,影相一流!
仲有好多唔同食物選擇唷,亦都有咸點可以叫~蛋黃哥既賣相好搞笑
樂點咖啡
地址:澳門鏡湖馬路72號臻華大廈地下A舖
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)