極致美景加幾分神秘！世界兩大罕有藍色洞穴，一生人一定要去睇一次！

藍洞係指積年累月侵蝕既地下洞穴，因為深度落差加上光線拆射而令海水形成閃閃發光既藍色，就好似一粒粒藍寶石飄浮係水中，更譽為「上帝調好的藍」。洞穴既日夜會出現不同既景象，所以早上陽光猛烈既時候係最能呈現藍洞既美態。世界上有唔同既藍洞，要數人類能輕易到達又令人極為感嘆既，非意大利同沖繩既藍洞莫屬！一提起藍洞就自己會想起呢兩個地方，究竟呢兩個地方既藍洞有咩咁吸引呢？

Photo from Pinterest

1. 意大利卡布里島
出發去睇藍洞，係要坐船既。早上有充足陽光係欣賞藍洞最佳既時間，一早去仲可以避開人潮添！卡布里島會有好多藍洞團，可以格下價先選擇啊！Grotta Azzurra就係藍洞既意大利文，或者用英文講blue hole都一定會明白。藍洞洞口係懸崖下面，洞口比較細，所以一架架小船都要排隊入去，如果坐大船既朋友要換小船先入到去，每架小船最多坐3－4人。

Photo from Pinterest

洞穴入口超窄，遊客需要躺平入去。一入到去，即刻會俾藍色光芒包圍住，好似進入左一個藍色宇宙。據說藍洞係17世紀俾兩名詩人同畫家發現的，洞外既陽光加上洞底既反射，形成永世難忘既藍色夢境。

Photo from Pinterest

Photo from Pinterest

Photo from Pinterest

海水好似裝左電子裝置識發光咁，難怪有「世界七大奇景」既美譽啦～～但入去逗留左唔夠三分鐘就會出黎啦，時間太短，唔想走啊！

Photo from Pinterest

2. 沖繩真榮田岬

睇沖繩既藍洞唔係坐船而係潛水！你無聽錯，係潛水！藍洞位於真榮田岬既絕壁下，叫「青之洞窟」，你可以直接潛落去親身接觸藍洞，係沖繩人氣第一既潛水熱點。最吸引既係你無潛水經驗既都可以，因為你可以透過浮潛入到藍洞，所以任何人都適合，連小朋友都得啊！

Photo from Pinterest

懸崖旁有樓梯直接落去大海，你有裝備同經驗，絕對可以一人潛入藍洞。但若經驗小的遊客就最好參加當地潛水店既團，而有經驗人士始終對地勢不熟，盡量唔好冒險啦！洞穴入面遼闊，太陽光被海底白色石灰岩反射，呈出神秘藍色，但越走越入光線都會越來越弱啊！

Photo from Pinterest

Photo from Pinterest

陽光射入黎真係好似一段耶穌光，即刻感受到大自然係幾咁偉大同壯觀！而且用潛水既方法完全係另一個體驗，仲可以親親海洋生物啊～～

Photo from Instagram

有生之年一定要親身去睇啊！唔知你又鍾意邊個藍洞呢？

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）