電話有救了！港鐵新設電話充電站！13個站有得充～總有一個喺左近～

By Tracey on 04 Mar 2017

Photo from newmobilelife
現時不少人平日都經常手機不離手，電量消耗極多，所以帶外置充電器出街已變成指出動作。不過若然忘記帶出來，而手機又冇電趕住使用又如何是好呢？如果大家在港鐵站附近就可能有救了，因為港鐵宣佈本月底起將會在部份車站提供免費 USB 充電服務，可以為手機及其他流動裝置充一充電。

Photo from 港鐵MTR

據港鐵表示免費 USB 充電服務將會在 13 個港鐵站提供（香港、中環、金鐘、灣仔、銅鑼灣、鰂魚涌、太古、九龍塘、九龍灣、旺角、深水埗、葵芳及荃灣站），只要去到站內的 i-Centre 便可用得到。不過有別於現時部份商場提供的免費充電服務會有齊各種插頭線，港鐵今次就只會提供 USB 插口，即用家必須自攜充電線才用到，而每次亦只限充電 15 分鐘。雖然在 5V/1.5A 之下 15 分鐘充電量應該有限，的確是方便了，但好多人都建議充電時間可以更長。