山系人士看過來~遊走龍蝦灣郊遊徑俯瞰香港美麗海灣!大嶺峒山頂既景色更加perfect~
香港郊野公園佔地十分廣,而且交通方便,假日去行下山真係又方便又開心~位於清水灣半島以東既龍蝦灣郊遊徑算中級路線,沿途風景非常優美,走至大嶺峒山頂既景色就更加令人目不暇給!
大家可以係登山之前先參觀遊客中心,了解一下風景區既分布再開始行。
由大坑墩開始行,大概1小時就可以到達大嶺峒。大嶺峒既景色十分開揚,藍天白雲,畫面真係一看難忘!
影相打卡一定唔可以少,但係,很重要所以不斷重覆提醒:要注意周圍既環境,人身安全係最重要,唔好為咗一張相而受傷!
望住大海、吹住海風既感覺實在太美好~
俯瞰清水灣、牛尾海、西貢海等海灣風光,真係會令人更加愛上香港依一個地方。
小編知大家覺得小編好長氣,不過,無論點都需要再提醒!行山要小心,做好事前準備,例如查清楚路線、穿上適合既運動衣物等等~
相關資料
建議路線:大坑墩>大嶺峒>龍蝦灣
預計時間:2小時
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)
*本文章的圖片均經其本人或其公司授權,其他媒體不得轉載