教你應付麻煩同事!九型人格怪人辦公心理學!小人小人速速走!

Hong Kong 香港食玩 · Life 本地生活 · HotTalk 熱門話題
教你應付麻煩同事!九型人格怪人辦公心理學!小人小人速速走!
Presslogic on 17 Mar 2017

你知啦!身邊有幾種同事係特別煩,有時想圓滑啲又怕太虛偽,但太真實又顯得自己好幼稚啵,原來所有煩惱九型人格都分析到!分清楚同事係邊種煩人,工作自然得心應手啦!

dijiuke
Photo by dijiuke

1. 管家型

佢天生多疑加上操控狂,人地同咩人做朋友又管,去邊食飯又管,同呢類人做同事,就連人地Team都想管埋,真係命都短幾年。呢類人嘅死穴係,你要煩過佢,問佢十萬個為什麼等佢知難而退。

SINA
Photo by SINA

2. 完全投入型

老闆想佢OT唔補水佢話好,老闆叫佢買奶茶佢買埋菠蘿油,總之最早返係佢,最遲走都係佢,通常呢種人都冇拖拍先會寄情工作,但你唔理佢佢都唔會對你點,所以不須擔心。

SINA
Photo by SINA

3. 八婆型

問所有人事關係佢都知,佢會八晒同事們嘅私生活然後唱通街,想近貼公司時事新聞可以同佢熟啲,但呢類人要保持隔離,要好好保障自己嘅私生活,否則就連清潔呀姐都知你啲秘密。

SINA
Photo by SINA

4. 我行我素型

佢存在,但又好似隱形咁,食飯食自己,返工放工永無一齊玩,佢看破紅塵,明白所有Social都只係浮雲,雖然呢種人冇咩特別,但最好都唔好笑佢或激佢,本身佢已經冇朋友你都仲要搞佢,就一定係你人有問題。

SINA
Photo by SINA

5. 認屎認屁型

講任何話題,一開口佢鍾意認叻,吹水吹到天花龍鳳,但做又無心無力,最慘係佢會眨低人去抬高自己,呢個時候你就要注意老闆有冇慧眼,呢種人永遠冇合作精神,但如果佢都升到職,轉工啦~

6. 懶鬼型

講求工作同生活的平衡,佢未必會做少,但就一定唔會做多,你可以話佢有小聰明,但如果情況嚴重到返工都可以瞓教,就冇得原諒!

SINA
Photo by SINA

7. 小丑型

天生幽默難自棄,有時同搞笑同事返工係幾開心,但當講認真事情佢都仲嬉皮笑臉,就令人反感了,要搞掂佢好簡單,佢講3次大家都唔笑,佢就唔會再講。

8. 緊張大師型

呢種同事其實責任感重,但有時太緊張對件事完全無幫助,仲搞到其他人都精神衰弱。應付佢要記住冷靜,亦同時鼓勵佢控制好情緒,就足夠啦。

iStock
Photo by iStock

9. 無敵老屎忽型

佢永遠是對的,上一代香港人做事講求規矩,永遠唔變通亦鍾意玩霸權,佢失去了解新事物的意慾,但年輕人不須擔心,因為世界變得好快,佢遲早被淘汰,記緊將來自己要大方一點唔好成為老屎忽就夠。

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send [email protected],直接將資料傳比小編)
*本文章的圖片均經其本人或其公司授權,其他媒體不得轉載

Share to Facebook