溫書都可以好Grand!銅鑼灣新型自修室共享空間~仲提供埋免費零食同現磨手沖咖啡!

溫書都可以好Grand!銅鑼灣新型自修室共享空間~仲提供埋免費零食同現磨手沖咖啡!

Hong Kong 香港食玩 · HKplace 香港好去處 · Life 本地生活 · Trendy 潮物玩意
By Presslogic on 12 Apr 2017

講起香港既自修室,應該唔少人會諗到公共圖書館既自修室。其實有時自修室氣氛死氣沉沉,溫溫下真係會冇咩精神。最近韓國、台灣就出現咗另一種新型自修室,而香港竟然都可以搵到!

位於銅鑼灣既「Desk-One溫室」提供咗圖書館自修室以外既地方比大家選擇,1400呎大既共享工作空間、採光充足、安靜舒適既環境,其實真係一個好適合應試考生或者自由工作者既地方。

整個空間分為三部份,包括公共閱讀空間Reading Lounge、獨立座位Quiet Focus Zone同埋Private Room。

閱讀 • 工作 • 溫習 • 共享空間(@deskonehk)分享的貼文 張貼

大家可以按照自己既需要選擇座位。想聽住音樂睇下書,可以去Reading Lounge。想一個人專心咁溫書工作就可以選擇Quiet Focus Zone。

不過提一提大家,Private Room可以容納大概3至6人,但係要提早以WhatsApp或者電話預約~

依到仲有提供WiFi、充電插座、充電線、打印及掃描服務、免費零食以及茶水,服務非常周到。店家甚至提供免費既現磨手沖咖啡,係一個咁完美既自修室真係溫書都精神啲!

雖然Reading Lounge可以比大家講野,但係記住唔好太吵啊,會騷擾到其他人㗎!

價錢或其他詳細資料請按此

小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail[email protected],直接將資料傳比小編~謝謝~)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook