download HolidaySmart 假期日常 app
開餐啦!!東京吉卜力美術館全新展覽,展出電影中各種美食,人物角色開餐畫面,小心一邊睇一邊流口水~

開餐啦!!東京吉卜力美術館全新展覽,展出電影中各種美食,人物角色開餐畫面,小心一邊睇一邊流口水~

日本旅遊
By Phyllis on 15 Apr 2017

宮崎駿電影好睇就唔需要多講啦,千與千尋同龍貓電影一直陪住大家成長~~除左內容故事夠動人、畫風出色之外,電影入面出現嘅美食,相信大家都非常深刻,熱辣辣嘅拉麵、飽滿多汁嘅肉包子、香脆可口嘅煙肉煎蛋,睇戲嘅時候係咪好肚餓呢~~東京吉卜力美術館5月將會有全新展區,大家可以重溫電影中各種美食情節,小心愈睇愈肚餓!!!

ghibli-museum.jp/Photo from ghibli-museum.jp/

東京吉卜力美術館5月27日會有全新嘅作品展覽,到時會展出各電影中出現嘅美食,同埋角色狼吞虎嚥嘅食相~~之前有網民就將呢d咁吸引嘅美食,神還原煮左出嚟,可想而知大家對宮崎駿電影熱愛程度有幾高,今次嘅作品展大家可以大飽眼福了~~

1Photo from 天空之城電影照片

《天空之城》呢塊荷包蛋多士,係咁多種宮崎駿電影入面,稱為「最想食」頭號No.1!!!到時候當然會有佢出現啦~

千與千尋電影照片Photo from 千與千尋電影照片

作品展亦會展出《千與千尋》電影中,千尋一路喊一路食白龍送俾佢嘅魔法飯糰,呢一幕咁經典,大家一定記得啦!!

哈爾移動城堡電影照片Photo from 哈爾移動城堡電影照片

《哈爾移動城堡》入面,煎到香噴噴嘅煙肉同太陽蛋,唔知大家睇嘅時候有無流口水呢?呢一份煙肉煎雙蛋亦係「最想食」排行榜佔據好高嘅位置~~

哈爾移動城堡電影照片Photo from 哈爾移動城堡電影照片

天空之城電影照片Photo from 天空之城電影照片

部份電影情境更加會真實1:1呈現出嚟,到時會見到《天空之城》嘅煮食間,唔知會唔會見到肉丸湯呢~

龍貓電影照片Photo from 龍貓電影照片

《龍貓》大卷草子屋企嘅廚房都有!!!希望會有煤炭屎鬼出現啦~

千與千尋電影照片Photo from 千與千尋電影照片

新展覽會將原畫,同埋製作資料展示出嚟,亦會將每個情節包含嘅意思話俾大家聽~~想睇就快d去買飛啦~~

三鷹之森吉卜力美術館
地址:東京都三鷹市下連雀1丁目1-83
網址:ghibli-museum.jp

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編~謝謝~)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel