人生必須去一次!夏威夷4大望一眼一生難忘景點~夏天準備衝出亞洲啦!

人生必須去一次!夏威夷4大望一眼一生難忘景點~夏天準備衝出亞洲啦!

World 世界旅遊 · Heaven 天堂風景
By Presslogic on 18 Apr 2017

大家聽到「夏威夷」三個字應該都會諗起陽光與海灘、草裙舞、扶桑花等標誌性既事物~不過!夏威夷既世界級景點真係超級多,淨係掛住草裙舞就太膚淺喇。所以今日小編要講5個令人望一眼一生難忘既景點比大家知~出發喇喂!

度新假期
Photo from 度新假期

1. 哈來亞卡拉國家公園(Haleakala National Park)

聽到「國家公園」4個字就已經知景色一定係世界級啦!哈來亞卡拉國家公園位於夏威夷第二大島茂宜島。大家仲可以係公園搵到茂宜島既最高峰!站立係雲端入面觀賞一整個環境,真係好似去咗人間仙景咁~

度新假期
Photo from 度新假期

2. 哈納公路(Hana Road)

哈納公路有另外一個名叫天堂公路(Road to Heaven),亦曾經獲美國國家地理雜誌評選為其中一條「全美最美麗既公路」。一邊係一片蔚藍既太平洋大海,另一邊係飛流直下既瀑布,真係好似係天堂咁啊~

度新假期
Photo from 度新假期

沿美麗既海岸線,大家可以選擇以自駕遊既形式去遊覽依一片咁醉人既景色~鍾意幾時落車係觀景台欣賞海景就可以立即停低,爽啊!

3. 夏威夷火山國家公園(Hawaii Volcanoes National Park)

園內有地球上最活躍火山之一既基拉韋亞火山,而且仲係全世界唯一可以開車進入既火山!提一提大家,一定唔可以錯過基拉韋亞火山熔岩流入大海既景象~

度新假期
Photo from 度新假期

另外其實仲可以選擇乘搭直升機,由高空俯瞰落咁壯觀既景色!

度新假期
Photo from 度新假期

4. 鑽石角(Diamond Head)

去完活火山就當然要去一去死火山!唔好以為死火山冇咩好睇,夏威夷既鑽石角景色真心超級無敵壯觀!上到山頂就可以一覽威基基以及歐胡島南部海岸全景。真係此生無悔啊媽啊~

度新假期
Photo from 度新假期

如果想知道更加多關於夏威夷既景點資訊,可以睇一睇王貽興同佢女朋友既短片~或者上度新假期既官網睇一睇,連自駕遊都有package啊~睇完王貽興咁可愛既演出之後真係想即刻同另一半去啊!!

Presented By: 度新假期、Hawai'i Tourism Hong Kong

小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail[email protected],直接將資料傳比小編~謝謝~)

*本文章的圖片均經其本人或其公司授權,其他媒體不得轉載


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook