經典重溫！！！《志明與春嬌》電影系列7大精選對白，i n 55!w! 之外仲有一個愛情密碼？

萬眾期待嘅電影《春嬌救志明》4月27日就上映啦！！前兩集電影大受好評，因為當中有唔少經典對白同電影場景，帶俾觀眾好多共鳴。睇新戲之前，不如做下功課，一齊回帶重溫電影入面嘅經典對白～～

1.  時鐘酒店

Photo from 《志明與春嬌》電影照片

"有啲嘢，唔使一晚做晒"
志明呢句說話的確冧冧豬，令春嬌感動又溫暖，但大家記唔記得，志明講呢句說話嘅真正原因係咩呢？

2. 馬桶乾冰

Photo from 《春嬌與志明》電影照片

"好勁呀，好似仙境一樣"
將乾冰倒入馬桶呢一幕真係非常經典～～～其實呢個玩意，係導演彭浩翔同太太之間嘅愛情小秘密～～

3. 肉醬意粉

Photo from 《春嬌與志明》電影照片

"它真的是鹹了一點，肉也不多。喜歡就是喜歡。我喜歡她是因為…我覺得她好，她甚麼都好。"
志明細細個已經好迷戀便利店嘅肉醬意粉，雖然係又鹹又乾，但係鍾意就是鍾意，無得解～～

4. 那麼瘋癲過，那麼珍惜過，那麼動地驚天....

Photo from 《春嬌與志明》電影照片

"唔好意思挾咗你條菜"
鄭伊健做春嬌嘅初戀情人實在太搞笑，導演仲刻意安排伊健跟志明同枱食飯，重點係二人巧合挾着同一箸菜，伊健呢句說話真係太抵死～～

5. 黃曉明現身

Photo from 《春嬌與志明》電影照片

"我會一直守護在我的BB的身邊，讓她永遠都能感受到我的體溫"
曉明大哥戲中演白馬王子，仲提到自己經常被人話似係那個姓黃嘅演員。戲中佢同Brenda一見定情，兩個人成日糖黐豆又大放閃光蛋，想曬死人咩～～～

6. 別問我是誰

Photo from 《春嬌與志明》電影照片

"別問我是 誰請與我相戀"
志明為奪回春嬌嘅芳心，拍MV唱'別問我是誰'，蝴蝶手蘭花手全部都跟足，就連原唱王馨平都大讚好靚女呀～～

7. 愛情密碼

Photo from 《志明與春嬌》電影照片

" i n 55!w! "
唔知大家有冇Send過呢個短訊呢？其實戲中仲有另一個愛情密碼，就係第二集靚女空姐楊冪跟志明傳發嘅「n a^o7 !」，唔知今集會唔會出現同類型嘅密碼呢？

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）