download HolidaySmart 假期日常 app
踏上浪漫天使之路~~日本小豆島拍拖放閃靚景,一日只係出現兩次~~

踏上浪漫天使之路~~日本小豆島拍拖放閃靚景,一日只係出現兩次~~

日本旅遊
By Phyllis on 04 May 2017

位置四國嘅小豆島,以出產醬油、橄欖為名,島上風景優美,好多日本電影電視劇都會嚟呢到拍攝取景。島上散發著浪漫氣氛,當中最出名嘅就係「天使之散步道」,一日只會出現兩次嘅夢幻景點~

InstagramPhoto from Instagram

小豆島位置四國嘅香川縣,附近風景優美,氣候溫和,而且充滿歐陸風情,島上有希臘式建築同風車~~

InstagramPhoto from Instagram

呢個風車係島上嘅地標,位置小豆島橄欖公園入面。風車面向瀨戶內海,藍色天空襯托下,成個畫面感覺好治癒,好似去左歐洲一樣。

InstagramPhoto from Instagram

原來宮崎駿動畫《魔女宅急便》真人版電影曾經喺度取景!!!

InstagramPhoto from Instagram

島上有一條沙洲之路,名叫「天使之散步道」,係連接小豆島「前島」同海上「余島」嘅細長沙洲。由於潮汐漲退嘅關係,呢條天使之路會喺潮退嘅時候出現,一日只得兩次機會出現呢個夢幻嘅場景!!

InstagramPhoto from Instagram

跟據傳說所講,戀人牽著對方嘅手走過呢段路,天使就會降臨實現願望,所以有「天使之散步道」嘅美譽。呢個咁浪漫嘅傳說,令天使之路被認定為戀人嘅聖地~~

InstagramPhoto from Instagram

同另一半能夠手牽手走過天使之路,欣賞黃昏日落真係一件好幸福嘅事,不過千萬唔好睇到忘晒形,要記得潮漲嘅時間,如果唔係冇路返回島上面㗎啦~~

InstagramPhoto from Instagram

沙洲另一端嘅中余島,島上掛滿寫上願望嘅貝殻同心型繪馬,小豆島果然係戀人們拍拖放閃嘅絕美景點~~

不過緊記要留意每日嘅潮汐漲退時間呀!!!

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編~謝謝~)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel