常設同專題展覽都免費入場！最平$25香港博物館通行證～好抵玩啊！

唔好次次都行街睇戲shopping啦，其實香港仲有其他又平又正既活動㗎！好似政府最近推出咗博物館通行證，超級抵玩啊！

Photo from 香港歷史博物館

博物館通行證票價分為3種，家庭通行證票價為$100（適用於最多4人）、個人通行證票價為$50，而全日制學生、殘疾人士及60歲或以上人士就享有優惠票價$25。

由簽發日期起，大家可以係12個月內無限次參觀康文署轄下博物館既常設同專題展覽。 例如最近好多人去睇既科學館「永生傳說 透視古埃及文明」展覽都可以免費入場！

Photo from Trainline

另外持證者係博物館內既禮品店、書店、餐廳或者參與博物館主辦既活動都可以獲得優惠～

Photo from 康樂及文化事務署

由即日起至2018年7月31日，博物館通行證持有人申請香港海洋公園「智紛全年入場證」更加可以享有九五折優惠！

另外由即日起至2018年8月31日，博物館通行證持有人申請香港迪士尼樂園成人、小童/學生及長者「奇妙處處通」都分別享有HK$50、HK$40以及HK$30折扣優惠。

Photo from 香港海防博物館

經常去博物館既人買一張應該會節省不少金錢～

詳細資料可以係官網睇到

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）