原來佢地出道咁耐？韓國香港台灣三大長壽組合～伴我成長永不解散的組合！
最紅三大「長壽」組合～～曾經年代歌曲嘅代表性組合！！你地仲記唔記得佢地啊～～
Twins兩個年輕偶像不知不覺已經出道16年啦！聽住Twins歌曲長大既你地係咪都覺得自己老左呢？組合真係唔係一條容易行既路，可以一直生存既組合都唔多， 今日小編為大家盤點三大長壽組合，相信大家都好熟悉架啦！就係香港既Twins，台灣既S.H.E，同埋韓國既神話組合～
一.Twins(出道16年）
Twins係2000年簽約英皇娛樂有限公司，并起2001年5月18日正式出道，已經出道左16年啦！當初係因為《下一站天后》紅遍中港台。
Twins雖然唱功唔算突出，但係好多首歌都深入民心，「眼紅紅」，「戀愛大過天」「飲歌」「亂世佳人」......真係數都數唔曬！
Twins 16年當中經歷過低谷，都有傳過解散，但過左低谷之後，「Twins」依然受到好多人嘅追捧與喜愛，而且仲越來越靚女，風雨過後依然屹立不倒，呢對少女係有佢地既魅力！
二.SHE（出道將近16年）
講起台灣組合，大家一定會霖到SHE，原來佢地出道都將近16年啦！
由任家萱（Selina），田馥甄（Hebe），陳嘉樺（Ella）組成，2001年9月11日發行首張專輯「女生宿舍」正式出道～
SHE三個都有唔同既音色同性格，吸引唔同既觀眾群，第二年就拿左「最佳新人獎」啦！
如果有睇佢地既訪談節目，就知道佢地既性格俏皮可愛，有佢地三人起度嘅地方，就會有歡笑！宜家三個人向唔同方向發展，hebe歌唱事業發展得非常好，ella同selina向戲劇主持方面發展，但係三人都不忘合體唱返she既歌！
三.「神話」組合（20年）
「神話」（신화/Shinhwa）係隸屬於神話公司嘅韓國男子唱跳組合，由隊長Eric（文晸赫）、李玟雨、金烔完、申彗星、JunJin（朴忠栽）、Andy（李先鎬）組成，1998年3月24日，通過參加KMTV Show Music Bank正式出道，5月9日發行第一張韓語專輯《終結者(해결사)》，同年，獲得Mnet年度最佳新秀男子團體獎!
作為韓國眾多偶像男團之中，神話組合係具有代表性嘅一個，就好似佢地個名咁如神話一樣，已經出道20年，可以盡量保持全體成員一齊出席活動真係好難做到～
大家都知道韓國組合超級多，長江後浪推前浪，但神話都可以屹立不倒，今年發行第十三張專輯啦～！
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic. com，直接將資料傳比小編）
*本文章的圖片均經其本人或其公司授權，其他媒體不得轉載
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
