注意注意！入境事務處擬2018年推出新一代智能身份證～執靚啲影證件相先！

有冇人覺得自己身份證張相個樣好奇怪呢？依家機會嚟喇！入境事務處打算係2018年推出新一代智能身份證，市民出年就可以免費更換新身份證，同埋影過一張新既證件相！

Photo from 入境事務處

整個換證計劃預期係4年內完成，到時會設立9間臨時換領中心。大家仲可以使用新電子服務係網上預約、預先填寫申請表格，或者預約後，使用換證中心既自助服務站填寫表格。

Photo from 入境事務處

咁新一代既智能身份證有咩咁特別呢？等小編話你知啦！

首先，卡身物料採用咗新一代聚碳酸不碎膠，卡身會更加耐用同埋有更好既印刷效果。另外新晶片會加強保安同有更大儲存容量，透過接觸式及非接觸式讀寫資料，讀取數據會變得更方便快捷。

而個人資料印刷技術就使用咗更高級既灰階激光技術蝕刻。仲有仲有～係生物特徵認證方面，會改善照片同指紋模版既質素，可以更有效核實身份。

最重要既防偽特徵方面就使用咗最新既防偽特徵，包括透視窗、新一化全息圖、彩色紫外線圖案等等。

Photo from 入境事務處

Photo from 入境事務處

大家到時記住執好啲個樣先去影啊！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）