【Wow wow 尖叫吧！向世界最美公路Great Ocean Road出發～】

Photo from 貳小姐

數算世界最美嘅公路一定會包括澳洲Great Ocean Road （中文譯名：大洋路）。Great Ocean Road 之所以咁出名係因為整條公路係海洋同陸地嘅完美結合，遊客可以飽覽天與地嘅自然景觀。

而著名景點十二門徒石你一定唔會陌生，佢亦都位於Great Ocean Road傍邊。

出發！

Photo from 貳小姐

第一次自駕出發Great Ocean Road既你首先要揀定想停留邊個小鎮作為呢個行程嘅大本營，因為Great Ocean Road周邊有好多景點，你要花上幾日去完成。作為大本營，當然要有齊自駕人士需要嘅配套，例如超市，油站同餐廳等等。而Apollo Bay係大本營最佳之選。（下回再介紹Apollo Bay 住宿 － 超靚別墅 ＆ 餐廳推介)

Photo from 貳小姐

好啦，入正題！去Great Ocean Road最多人選擇由墨爾本出發，中途會經過幾個出名小鎮，順便遊覽下，又可以作為中途站落車休息同伸展下筋骨。

呢度係Geelong碼頭，有得意藝術裝置比你同佢玩selfie，再買包炸魚薯條hea係草地望住個海食～人生啊～～～

Photo from 貳小姐

食飽影飽再上路，一邊自駕一邊欣賞沿途嘅自然景觀，蔚藍嘅巴斯海峽同南冰洋，遼闊嘅草源......又或者袋鼠一家大細過馬路都有機會見到！Try your luck !

如果天氣好，你會發現海面同藍天已經融為一體...尖叫吧！不愧係最美公路～

經過差不多4小時車程，你已經到達Apollo Bay，好好休息同計劃行程，聽日再出發！

更多關於我嘅旅行分享, 可以follow IG: eatplayloveNmore

Photo from 貳小姐