好靚啊!日本7-8月花火大會同夏日祭典~又有藉口飛日本啦!

好靚啊!日本7-8月花火大會同夏日祭典~又有藉口飛日本啦!

Japan 日本遊樂 · World 世界旅遊 · Culture 各地風俗 · Heaven 天堂風景
By Presslogic on 10 Jun 2017

每次睇日劇或者櫻桃小丸子嘅時候,都好羨慕佢哋可以同朋友、屋企人換上靚靚嘅浴衣去參加花火大會。佢地又會一早喺公園霸定個好位,氣氛同香港真係好唔同!

東京觀光官方網
Photo from 東京觀光官方網

今年東京同埋附近地區嘅夏日花火大會都陸續公布日期啦~有Planinng去日本嘅朋友,記得mark番啲日子,親身去體驗日本花火大會嘅熱鬧氣氛。

JAPANiCAN官網
Photo from JAPANiCAN官網

大阪天神祭(7月24日-25日)
已經有1000多年歷史嘅天神祭,係“日本三大節慶活動”之一,同時亦都係世界上最大規模嘅水上慶典。活動舉辦嘅日期一共有兩日,但係7月25日先至喺大阪天滿宮嘅重頭戲。因為屆時會有超過百艘船隻嘅團隊,航行係大河上。

「天神祭奉納焰火」亦都會發射約四千發焰火,成為船渡禦最為精彩嘅場面。傍晚時分,篝火(警護或打魚時為照亮周圍點起嘅火)照明下嘅船身會倒映係河面上,真係好靚啊!
地址:大阪天滿宮(大阪市北區天神橋2-1-8)

JAPANiCAN官網
Photo from JAPANiCAN官網

別府夏宵祭納涼花火大會(7月28日-30日)
係別府夏季嘅著名祭典--壓軸大戲!每年都會有130萬人出席嫁!花火會場會以別府灣為背景,發送大約5000發煙火,到時會將夜空渲染成無比華麗嘅夢幻天堂。

另外~花火大會前後,會喺會場周邊舉辦夏日納涼夜市,屆時不但會有各種日本傳統風情嘅手工藝品出售,仲可以品嘗正宗嘅日本屋台料理!咁好嘅約會節日,唔係唔預埋女朋友/男朋友吓?
地址:別府Spa Beach

JAPANiCAN官網
Photo from JAPANiCAN官網

神戶港海上花火大會神戸港(8月5日)
以兵庫縣神戶市嘅夜景為舞臺而展開嘅海上花火大會。到時會發射1萬發無數造型嘅煙花,令神戶港喺眩目嘅夜色中閃閃放光,凈係諗起~都覺得到時會好壯觀!
地址:新港突堤沖海上

JAPANiCAN官網
Photo from JAPANiCAN官網

淺草仲夏夜祭典(8月13日)
淺草嘅夏夜祭典係為佐憑弔喺自然災害同喺戰亂中離逝嘅人,係呢一晚~日本人都會著上浴衣,然後喺燈籠上面寫低佢地嘅願望,然後將燈輕輕放入隅田川中,睇住燈順水流向遠方。

有啲似我哋係電視見到放天燈嘅場境~~不過,要提提大家燈籠需另外付費,有興趣嘅人可以請洽淺草觀光聯盟。
地址: 隅田公園親水河岸步道

東京觀光官方網
Photo from 東京觀光官方網

小編今次,只係略略介紹幾個日本喺暑假嘅花火大會同夏日祭典。當然,注重節日嘅日本人仲有好多好多個慶祝節日。如果你有打算暑期到日本玩嘅朋友仔,可以上番日本嘅祭典觀光網上望一望。

日本祭典觀光網址
Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holid[email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook