有高質平野食！銅鑼灣既小甜谷電子優惠券68蚊食北海道軟殼蟹忌廉蟹肉意粉！仲有首創窩夫pizza！

呢間位於銅鑼灣既小甜谷，小編已經食過好多次，環境清雅舒服得來，食物都好讚呀！推介大家去食~

小編每次來都會叫黑松露溫泉蛋意粉，今次來就試食呢個北海道軟殼蟹忌廉蟹肉意粉，都好有水準！仲要最近做promotion,上openrice App買電子優惠券，就可以用$68食到~！

忌廉好重，同蟹肉味道好夾，仲有少少蟹子同番茄~雖然整體份量唔算多，但軟殼蟹都算大舊~

最近仲有新推出既窩夫pizza，聼講係全港首創，用窩夫漿加香濃拉絲芝士，再配唔同食材~

口感比一般窩夫或者pizza厚重，有好重芝士味，食兩塊已經飽飽地~

仲有呢個泰式海鮮沙律，好足料，好多女仔都中意點，價錢就唔算平，98蚊一個，不過份量幾 大，夠兩個人share食~