首屈一指嘅繡球花～日本明月院繡球花限定！絕對係打卡之選！

近日，FB同IG都俾台北陽明山嘅繡球花所洗板。但其實，靚嘅繡球花唔單得台灣有，日本東京都有一大片好靚嘅繡球花，絕對係打卡之選！暑假除咗去日本嘅SUMMER SALE，咁不如都去鎌倉行一轉，影番D靚相番香港。

Photo from Instagram

鎌倉有幾個知名嘅繡球花景點，明月院、長谷寺呢兩個地方全部都係日本知名嘅。今日小編就主要講吓明月院嘅繡球花～

Photo from Instagram

明月院，又被稱為紫陽花寺 ，係首屈一指嘅繡球花 / 紫陽花聖地。一到繡球花季（6-7月），成個寺院都會開滿水藍色嘅繡球花，非常之壯觀。著番一身白裙嚟呢度影相打卡，一定好靚者！

Photo from Instagram

神奈川鎌倉嘅明月院，種咗2500株日本古來品種「姫紫陽花」，小編見朋友係IG打卡，非常之靚，被稱為「紫陽花寺」果然並非浪得虛名！花期由依加至7月中，考慮到夏天嘅風雨會打殘花朵，所以大家6月底7月前去就最好啦！Photo from Instagram

明月院嘅繡球花幾乎全部都係藍色嫁！因為呢度嘅土質偏酸。土質偏酸性嘅時候繡球花會係藍色嘅，而當土質偏鹼性嘅話，繡球花就會偏紅。Photo from Instagram

而一場嚟到呢度，梗係都要影吓明月院可愛嘅兔仔啦～兔仔於日本係月亮同神明嘅使者, 而明月院個名裡面都有'月'呢個字～所以唔好掛住同繡球花打卡而忘記咗兔仔啊！Photo from Instagram

地址: 神奈川県鎌倉市山ノ内189 JR北鐮倉站徒步十分

開放時間：9：00～16：00（六月8：30～17：00）

費用：平日 日幣¥300 / 六月 日幣¥500Photo from Instagram

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載