【探索澳洲最美海洋公路| 私藏最美獨立屋分享】

上篇文章有介紹過自駕遊Great Ocean Road（譯名：大洋路）最多人選擇停留Apollo Bay作為road trip大本營，最主要係佢地理位置同周邊配套好，你可以為自駕之旅補給所需。

而另一個原因係Great Ocean Road 長達200多公里，沿途有唔同景點地標比你遊覽，點與點之間車程約1至2小時左右，所以選定一個地方住幾日而唔需要好似旅行團咁一日趕幾個景點，每日轉一間酒店，咁樣你先真正享受到一個寧靜又輕鬆嘅旅遊！

Photo from 貳小姐

Photo from 貳小姐

Apollo Bay 最美獨立屋

從網上搜尋到呢間性價比超高獨立屋，位置方便而且擁有前後花園，屋前仲可以眺望遠方一片蔚藍大海。

喺香港好少有機會係草地上自由行走，而呢間獨立屋正正被一片綠草包圍，面積目測大過正式足球場，咁大片草地任你用，跑步，瑜珈，睇日出甚至BBQ我通通都做齊。

Photo from 貳小姐

清晨5點左右，室外氣溫有點涼，我行到花園靜待日出一刻。太陽由海面緩緩升起，陽光慢慢照亮周圍亦溫暖左自己，頓時覺得新一天已經注滿能量！

其實每次睇日出都有一種莫名感動湧上心頭，無論前一日經歷過有幾差，或者天氣有多壞，原來太陽仍然會照常升起同照耀住自己......

Photo from 貳小姐

Photo from 貳小姐

近年大家比較鍾情自由行或者係深度旅遊，旅行嘅意義唔再計算去左幾多個景點或者去左邊度打個卡呃個like, 而係你係未真正去緊旅遊？

嘗試將whatsApp工作群組轉為靜音，遠離公司郵箱，唔想回某人嘅信息你大可以已讀不回。

旅行係一種學習，學習如何放假。

呢趟旅程我每日至少花一小時係花園沈澱自己，然後再天馬行空胡思亂想，腦袋前所未有咁輕...... 原來以前浪費左好多個假期呢...... 好好放空腦袋，還自己一個假期！

Photo from 貳小姐

更多關於我嘅旅行分享, 可以係呢度睇到, IG: eatplaylove_n_more