download HolidaySmart 假期日常 app
暑假到啦~菲律賓巴拉望票選為全球最正嘅島嶼!係時候RELAX吓~

暑假到啦~菲律賓巴拉望票選為全球最正嘅島嶼!係時候RELAX吓~

玩樂體驗
By 123testing on 04 Jul 2017

提到菲律賓,小編第一個就聯想到長灘島、馬尼拉、薄荷島同宿霧,前排聽屋企人講起~先發現菲律賓原來仲有真正嘅人間天堂---巴拉望。有「菲律賓最後一片處女地」美稱嘅巴拉望,曾被美國雜誌讀者票選為全球最正嘅島嶼。

 

instagramPhoto from instagram

 

 

巴拉望島嶼長452公里,最為人熟悉嘅係愛妮島同公主港。愛妮島係最多遊客想去嘅地方,首都公主港亦有地下河之世界遺產,所以遊客一般會先繞去公主港停留大概一日時間,再去愛妮島度假。

 

instagramPhoto from instagram

 

公主港地下河流公園位於巴拉望中部嘅西面海岸,被聯合國教科文組織評選為世界自然遺產,同時亦係新世界七大奇景之一。8公里長嘅山中河流係1887年被當地人發現,係目前全世界最長嘅地下河流。遊客可以係1.5公里左右嘅航程中,見到奇形怪狀嘅鐘乳石,如大水母、鬱金香、恐龍頭等等,真係令人大開眼界!

 

InstagramPhoto from Instagram

 

而如果想駛船到河道更深處,就需要向政府申請,划船到底部需要約4小時嘅時間。

 

InstagramPhoto from Instagram

 

愛妮島嘅英文為El Nido,但其實佢並唔係一個島,而係巴拉望嘅一個地區,發音類似島而被翻譯為愛妮島,亦被賦予浪漫嘅意涵。要嚟呢D海島地區,女飛子們記得帶定幾套BIKINI,因為係度幾乎每一日都係浸係水入面。

 

InstagramPhoto from Instagram

 

試諗吓,如果同好姐妹嚟呢度度假,係幾咁RELAX!

 

InstagramPhoto from Instagram

 

巴拉望成為其一受歡迎嘅度假景點,有懶於佢嘅地理位置係西南邊,比較少受颱風侵襲,但亦因為呢度交通非常不方便,所以被開發嘅機會亦都降低咗!所以,就算嚟到嘅朋友,都要好好珍惜呢個地方,如果唔係我地就會失去一個名副其實嘅人間天堂!

 

InstagramPhoto from Instagram

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel