download HolidaySmart 假期日常 app
7月南法唔係得睇薰衣草田~仲可以參加亞維儂藝術節!一齊湊吓熱鬧!

7月南法唔係得睇薰衣草田~仲可以參加亞維儂藝術節!一齊湊吓熱鬧!

旅遊新聞
By 123testing on 07 Jul 2017

去法國,梗係要同心愛嘅人去啦~但係,有部分人認為巴黎環境唔係想像中咁靚,街上又有小偷,所以都對大城市保持一定嘅距離!冇錯,想去法國,都可以選擇去南法!感受吓鄉村美之餘,同時都可以去睇吓當地嘅世界文化遺產,7月仲可以參加當地嘅亞維儂藝術節!
instagramPhoto from instagram

如果你想去普羅旺斯,亞維儂係一個入口嘅方向。到南法旅遊,最唔可以錯過嘅,就係亞維儂!呢個位於南法嘅城市,其實係一座古城,佢嘅城牆同建築一直都保存得非常之好,係二十世紀末更加被列入世界文化遺產。
instagramPhoto from instagram

城中最出名嘅係聖貝內澤橋,於12世紀末用木興建,但之後經過一次又一次嘅河水泛濫,已經損毀咗一部分橋嘅結構,導致依加只剩番4個橋拱同斷橋上嘅聖尼古拉斯教堂俾遊客參觀。
instagramPhoto from instagram

去過亞維儂嘅人都知,亞維儂個地理位置,真係好似地圖中顯示咁樣,被一大片城牆包圍住!係一個好特別嘅地方!重要嘅城牆同建築都完好地被保留,更加係1995年被列為世界文化遺產!
instagramPhoto from instagram

亞維儂每年 6 至 8 月都會吸引好多人嚟睇薰衣草田,同好姐妹打卡或者同另一半嚟影結婚相,都係一個唔錯嘅選擇!
instagramPhoto from instagram

小編建議,如果你想更加融入當地嘅文化,咁最好就7月嚟啦:]因為2017年南法亞維儂藝術節(Festival d'Avignon)會係7/6~7/26舉行,到時一定會好熱鬧!
instagramPhoto from instagram

每年7月會係教皇宮一帶舉辦亞維農藝術節,係法國現存最古老嘅藝術節,亦是世界著名嘅大型戲劇藝術節!活動嘅節日會以戲劇為主,但都會包括舞蹈、音樂、專題展覽等。外國嘅慶典不嬲都好好氣氛,雖然我地可能都唔係行內人~但係嚟呢度湊湊熱鬧都唔錯啊!小編十分之推薦呢個行程!
instagramPhoto from instagram
instagramPhoto from instagram

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)
*本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel