係咪真嫁？原來戒指十指唔同戴法可招桃花同運氣！要談戀愛了～～～

到年中想為自己轉個運，唔洗將屋企擺設嘅位搬嚟搬去咁麻煩；其實戴個戒指就可以幫自己轉運，信唔信都好～就當為自己換個新氣象，買多個飾物俾自己！
Photo from pinterest

十隻手指都有唔同嘅轉運意義：
大拇指
右手：代表行動力同掌權、權力，係達成目標嘅過程中絕對係不可少得嘅動力。
左手：代表意志力或信念，容易半途而廢嘅人可以戴上時刻提醒自己要有毅力。
Photo from pinterest

食指

右手：代表積極努力，會係面臨挑戰時為自己帶嚟力量。
左手：代表突破同埋執行力，如果想趁下半年有新事物嘅嘗試，咁就可以試吓啦～
Photo from pinterest

中指

右手：代表愛情同個人魅力，單身人士戴亦可以增加異性緣，令桃花朵朵開。想拍拖嘅朋友，快D買一隻試吓係唔係有效！？
左手：代表個人創造力同個性，認識新朋友時絕對可以展現獨特面貌吸引對方！
Photo from pinterest

無名指

右手：代表責任、安定同努力，令感情能夠順利平穩地走得又長又久。拍拖嘅朋友可以試吓！
左手：代表關係中嘅參與、陪伴，能夠增進彼此之間嘅感情，甜蜜度上升。
Photo from pinterest
小指

右手：代表實現願望嘅念力，當你極度渴望一件事個時，就可以靠佢嚟試吓運氣！
左手：代表機運嘅吸引力，好嘅事情、機會都會被吸引、降臨係自己身上。
Photo from pinterest
你又會戴係邊一隻手指呢？:]信唔信都無所謂，最重要嘅係貪靚嘅你可以買嚟襯衫，扮靚！
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）