download HolidaySmart 假期日常 app
學嘢啦~代表愛情嘅10種花有10種唔同嘅花語表達!唔好再送錯同收錯花啦~~~

學嘢啦~代表愛情嘅10種花有10種唔同嘅花語表達!唔好再送錯同收錯花啦~~~

時事熱話 香港展覽 生活熱話 潮物玩意
By 123testing on 24 Jul 2017

愛情係人類永恆不變嘅話題,無論你依加係單身、拍緊拖定係分咗手~係過程中送花、收花無疑是最直接但都係最委婉嘅表達方式。但你又知唔知每種花會有唔同嘅涵義!?小編今日就為大家介紹唔同花嘅唔同花語!
PinterestPhoto from Pinterest

1、玫瑰花

玫瑰花語:玫瑰係用嚟表達愛情嘅通用語言。唔怪得情人之間,都係送玫瑰花!但要記得唔同顏色嘅玫瑰花代表唔同程度嘅愛!紅色就一定係最熾熱嘅愛啦~~~
PinterestPhoto from Pinterest

2、薔薇花

薔薇花語:薔薇花代表崇高神聖嘅愛情,尤其係紅色嘅薔薇,更加係初戀者贈送嘅佳品。如果送女朋友薔薇花,即代表佢係你嘅初戀~真係又純真又美好!
PinterestPhoto from Pinterest

3、滿天星

滿天星花語:滿天星蘊含「清純、致遠、浪漫」之意。小編覺得佢係愛情花種內較靚嘅花之一,如果收到對方送嘅滿天星,真係覺得佢好浪漫啊!
PinterestPhoto from Pinterest

4、百合花

百合花語:百合花語係指有百年好合、美好家庭、偉大嘅愛之含意,有深深祝福嘅意義。收到呢種花嘅人具有清純天真嘅性格,集眾人寵愛於一身!

5、向日葵花

向日葵花語:向日葵嘅寓意係沉默嘅愛,雖然無玫瑰咁浪漫,無百合咁純凈,但佢陽光、明亮,愛得坦坦蕩蕩,愛得不離不棄,有著屬於自己嘅獨特魅力!而且,佢綻放嘅唔止係愛情,仲有對夢想、對生活嘅熱愛。所以,向日葵係小編最喜歡嘅花!
PinterestPhoto from Pinterest

6、合歡花

合歡花語:象徵永遠恩愛、兩兩相對、係夫妻好合嘅象徵。所以,如果拍拖拍咗好耐嘅情侶,都可以借合歡花表達對對方嘅愛!

7、金盞花

金盞花花語:代表著悲哀、惜別、迷戀、失望、離別之痛。如果身邊好朋友失戀、情緒低落,就好適合送呢種花俾佢!
PinterestPhoto from Pinterest

8.鬱金香

鬱金香花語:愛嘅表白、永恆嘅祝福,走出孤獨,自然會邂逅永遠嘅愛情。送俾剛剛失戀嘅朋友都好適合!

9、紫蘿蘭

紫蘿蘭花語:永恆嘅美與愛,‘我很喜歡你’。如果男仔唔好意思表達,都可以送呢隻花俾喜歡嘅女仔!

10、瑪格麗特

瑪格麗特花語:期待嘅愛,請想念我,瑪格麗特花仲有一種稱呼叫「延命菊」。花名同花樣都好靚啊!
PinterestPhoto from Pinterest

而你又送過咩花俾另一半呢?
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel