最適合一家大細去既餐廳！鑽石山荷里活廣場新開東南亞菜～仲有兒童遊戲區同家居品區！

鑽石山荷里活廣場最近新開一家東南亞風味菜，叫做滿屋廚房，呢間餐廳係做家居品起家，再發展餐飲業。滿屋廚房除左可以品嚐到多個東南亞國家既風味小菜，仲有兒童玩樂區，係一間好適合一家大細去食既餐廳～！

呢度菜式有新加玻、越南、印尼等等，集合左多個國家既美味食物。

呢度既喇沙湯底比較清淡，小朋友食都無問題，米粉吸左湯底味道，非常爽口彈牙～

除左主食之外，呢度都好多小食、甜品，好適合鍾意食零食既小朋友，呢個係章魚小丸子雞蛋仔，好特別，食落個味道同平時既章魚小丸子好似，但口感仲保留到雞蛋仔鬆軟既感覺！

雞蛋仔外型仲印有呢度既主題公仔！

雞蛋仔可以係外面單買，好多味道可以選擇～

餐廳外面係家居擺設區，有好多木製品擺設，仲好好多生活小物品例如餐具、旅行牌等等，有d可以係上面刻字填呀！

小編就整左一個旅行牌帶走，上面刻左自己個名，需時都係幾分鐘時間，可以一邊食一邊等！

地址
鑽石山龍蟠街3號荷里活廣場1樓174號舖

電話號碼
3102 1919