download HolidaySmart 假期日常 app
主動出擊!可以邂逅有緣人嘅五大個場合~告別單身!

主動出擊!可以邂逅有緣人嘅五大個場合~告別單身!

時事熱話 生活熱話
By 123testing on 31 Jul 2017

單身嘅你,唔知點樣去識男仔,快D參考吓以下嘅方法啦!又可以避免尷尬,自自然然識多個朋友仔~~~
PinterestPhoto from Pinterest

1.朋友婚禮

大家畢業之後,慢慢地會參加好多朋友仔嘅婚禮,婚禮中可以趁機識吓新郎嘅兄弟或男賓客,婚禮滿載歡欣氣氛,咁樣識人都唔會太過尷尬!
做法:你可以主動打開話題:「呢首背景歌曲係我好鍾意嘅一首歌,每次唱K都要點佢。」並進一步聊及自己喜歡嘅歌手,藉此拉近彼此距離,由淺入深慢慢了解。
PinterestPhoto from Pinterest

2.船河派對

夏天一到,朋友仔都會邀請你參加船P。如果你唔怕曬太陽,又好喜歡陽光大男孩,咁就一定要參加啦!但務必表現自信自然、勿嗲聲嗲氣,同埋唔好係水泡床上高聲尖叫。

做法:自然地接近對方,可以展開話題~例如:「你膊頭可能會晒傷,要唔要借你防曬霜?」
PinterestPhoto from Pinterest

3.戶外音樂會
香港耐唔耐都會有戶外音樂會,現場氣氛又會好HIGH,試諗吓大家擁抱着同一愛好嘅場合,當然就更易結識同聲同氣嘅有緣人啦。

做法:問佢:「HI,你從幾時喜歡XX樂隊?」又或者談及你喜歡嘅歌曲,自自然然就會有好多話題繼續傾落去!若然大家都啱channel,不妨主動留低聯絡電話,日後再相約一齊去睇音樂會。就當識多個志同道合嘅朋友都好啊!

4.異國機場
愈來愈多女仔會獨自出遊,係外地,唔小心聽到廣東話都會覺得份外親切~藉此就可以搭個訕!有時係機場等轉機~都好容易同格離個遊客一齊傾起上嚟~
做法:不妨觀察一下對方係度做緊乜,大膽D問佢:「請問你係返香港定係等轉機?」無論對方回答D咩,都可順勢問佢之前去過邊度,然後自然地展開其他話題。
PinterestPhoto from Pinterest

5.運動健身班
近年興做運動,所以無論係健身房定係樓下公園,都容易遇到異性,係大家有同一興趣嘅大前提下,更容易產生共同話題。
做法:假設係同一個健身訓練班上,你可以問佢:「Join咗健身幾耐啊?」然後順着勢傾一D相關嘅話題。
PinterestPhoto from Pinterest

不過感情事真係隨緣啊!可能有人日日宅係屋企都可以透過網上APP識到男仔~但始終都會有人覺得咁樣識朋友好尷尬!有機會就試吓以上嘅場合識吓有緣人啦~多個朋友都好啊!小編祝有情人終成眷屬!

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編~謝謝~)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel