超得意餐廳！銅鑼灣Seoulmate Café粉紅芝士波波的炸雞飯～又玩得又食得！

鍾意韓食嘅朋友仔如果經過銅鑼灣，可以嚟呢間位於京都廣場嘅seoulmate Café！呢度無論係食物定係環境，都絕對係同閨蜜嘅打卡之選！
Photo from PressLogic

行入呢間韓式Café，成個人就覺得好舒服。餐廳內白色嘅牆上，畫住童趣嘅雲朵彩繪，燈光都係白色嘅，成個環境俾人一種好温馨、雅緻、清新嘅感覺。餐廳亦分咗室內同室外位置，室外絕對係影相打卡好位置，不過依加夏日炎炎，坐係室內涼住冷氣食韓國美食，得一個字可以形容：正！

除咗餐廳嘅環境，不得不提Seoulmate Café嘅食物！打開menu，每一道菜式都好有特色，賣相亦相當之靚！

首先小編試食嘅係雲下的泡菜炒飯。呢個係店中嘅招牌菜之一，以可愛嘅白雲為造型設計，實在相當有趣。所以一定會係相機食先～
Photo from PressLogic

黑松露煙三文魚飯都係一個好精緻嘅食物！凈係睇個樣，都覺得廚師用咗好多心機～而且黑松露味恰到好處～小編好推薦啊！
Photo from PressLogic

如果一個飯滿足唔到你，都可以叫多個餐廳新品，粉紅芝士波波的炸雞飯！呢個炸雞飯真係好吸睛～炸雞香口，油而不膩，而且芝士味亦都唔會好重！下次同朋友嚟，都一定要試吓啦～～～
Photo from PressLogic
Photo from PressLogic

之後係受女士歡迎嘅砵仔拌綠茶芝士慕絲蛋糕！凈係個賣相，己經叫一班女士歡呼！有藍莓、士多啤梨，做飯後甜品真係好健康！
Photo from PressLogic

呢間絕對係同三五知己打卡嘅好地方～如果係一大班朋友慶祝生日，仲可以包場，現場仲有OPPA添！！仲等！？快D約你嘅朋友仔嚟Seoulmate Café 感受下seoul味啦！

地址: 銅鑼灣駱克道491-499號京都廣場4樓（港鐵銅鑼灣站 C 出口）
營業時間：
星期一至四 （12:30-22:30）
星期五至六 （12:30-23:30）
星期日 （12:30-22:30）
公眾假期 （12:30-23:30）

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）