好好味!尖沙咀泰麵膳獨創炸蝦蛋及粉紅湯底~令人仿佛置身泰國!

好好味!尖沙咀泰麵膳獨創炸蝦蛋及粉紅湯底~令人仿佛置身泰國!

Hong Kong 香港食玩 · HKfood 香港美食 · HKoutdoor 香港郊遊
By Presslogic on 04 Aug 2017

唔知大家最近行經尖沙咀,有無發現一間位於寶勒巷嘅全新餐廳【泰麵膳】?其得意嘅裝修外觀,短短開業咗兩個月就吸引咗好多遊客嚟試食!呢間餐廳主力供應泰式船麵,目的係希望帶出泰國獨有嘅船麵風味,等大家就算係香港都可以品嚐到係泰國傳統市場先可品嚐到嘅傳統船麵。快D嚟打卡啦~

PressLogic
Photo from PressLogic


係新張期間,【泰麵膳】會係每日指定時段(9pm -11pm),特別推出港幣$12嘅正宗船麵(三款選擇,包括牛肉船麵、粉紅湯粉同魚片魚蛋湯粉)!12蚊炸!雖然每碗都細細碗,不過呢個小巧而精緻嘅份量,完全係依足泰國傳統船麵,令人食完一碗又想食多碗。如果平日同朋友係尖沙咀飲完野,都可以行嚟呢度食碗 $12正宗船麵當宵夜!而粉紅湯粉就係必食打卡之選!
PressLogic
Photo from PressLogic

小編今次就揀咗2個精選粉麵:分別係牛肉船麵同冬蔭乾撈!牛肉船麵個湯底真係無得頂啊,濃郁芬香!就好似品嚐緊係泰國傳統市場先可以食到嘅傳統船麵咁。唔怪得店家都話唔洗飛泰國,係香港都可以食到泰國嘅風味~

PressLogic
Photo from PressLogic

而喜歡食辣嘅朋友仔,就唔好錯過冬蔭乾撈!撈埋麵上面嘅辣椒醬,再配上一杯泰式奶茶,真係無得輸!

PressLogic
Photo from PressLogic

除咗船麵之外,【泰麵膳】亦都特別將泰國地道特色小食加入菜單之中,最特別係獨創出炸蝦蛋!炸蝦蛋食落去真係啖啖蝦肉,外層炸得好香口,食落去又酸酸甜甜,口感真係好得意,又醒胃!

PressLogic
Photo from PressLogic

當然,如果唔飽,都可嚐試店內其他特色小食,例如炸雞皮、炸豬皮、炸雲吞等等,都可以令人仿佛置身泰國!

如果假日經過尖沙咀,都可以同朋友嚟試吓【泰麵膳】~

PressLogic
Photo from PressLogic

地址:尖沙咀寶勒巷1號玫瑰大廈地下E&F1號舖
營業時間
星期一至日
11:30-23:00
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send [email protected],直接將資料傳比小編~謝謝~)


Follow Instagram: holiday.presslogic

Share to Facebook