夏日出巡~大量可愛嘅巨大比卡超逼爆橫濱~仲可以同你一齊散步同捉小精靈!

夏日出巡~大量可愛嘅巨大比卡超逼爆橫濱~仲可以同你一齊散步同捉小精靈!

Japan 日本遊樂 · World 世界旅遊 · Chubu 中部
By Presslogic on 09 Aug 2017

近年每逢暑假,都會係比卡超迷最雀躍嘅時候!由2014年開始,日本橫濱街頭都會湧現大量可愛嘅巨大比卡超,歡度呢個「比卡超大量發生」嘅慶典~聽到個名都覺得興奮~比卡超迷今年都唔好錯過啦~因為由今日到15號,係日本橫濱就可以見到呢個熱鬧非凡嘅畫面!

比卡超大量發生官網
Photo from 比卡超大量發生官網

比卡超大量發生官網
Photo from 比卡超大量發生官網


比卡超有幾咁受歡迎,相信唔洗小編多講~早前手機遊戲Pokémon GO,係香港都吸引到唔少人!
比卡超大量發生官網
Photo from 比卡超大量發生官網

據說「比卡超大量發生」慶典每年都會吸引超過三百萬人次湧到橫濱參與!諗起個畫面都覺得好熱鬧啊!

比卡超大量發生官網
Photo from 比卡超大量發生官網

呢次活動嘅重頭戲係8月14日下午4點,係象鼻公園至橫濱公園上演嘅比卡超嘉年華大巡遊,超過一百隻巨大比卡超將會現身!活動期間除咗定時可以睇到十七米長、印滿比卡超圖案嘅飛行船外,係Queen's Square至Gran Mall公園一帶,仲可以隨時遇上二十隻比卡超一齊同你散步。

比卡超大量發生官網
Photo from 比卡超大量發生官網

值得留意係會期內仲有特設嘅Pokémon GO公園同運動場供大家捉精靈,比卡超迷又豈能錯過呢!

比卡超大量發生官網
Photo from 比卡超大量發生官網

到時仲會有多元化嘅比卡超同《寵物小精靈》精品可以選購,比卡超迷又要儲定炮彈,到時瘋狂shopping 啦!

比卡超大量發生官網
Photo from 比卡超大量發生官網

舉辦日期:2017年8月9日(星期三)~8月15日(星期二)
地 址: 日本大道,橫濱紅磚倉庫,港灣未來地區等橫濱市內各地
官 網

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send [email protected],直接將資料傳比小編~謝謝~)


Follow Instagram: holiday.presslogic

Share to Facebook