唔想屋企煲湯？一齊飲碗無味精無雞粉嘅‘家常便湯’～感覺好健康！

香港人係忙碌嘅代名詞，冇D人一家大細都要番工，可能一星期都飲唔到一次湯水！咁忙冇時間煲個靚湯，仲有一個選擇！就係去地鐵站或商場一間賣湯水嘅小舖---「原味家作」買番個自家靚湯。

Photo from PressLogic

「原味家作」一直以「無味精、無雞粉、原味道」為宗旨，生產一系列以100%原材料熬製嘅滋補湯品、住家飯餐、特色小食同埋健康飲品。所有產品係100% 香港製造，絕對係真材實料，令顧客食得健康同放心！

番工嘅OL，如果係夏天想滋潤一下，可以lunch time 嘅時候嚟呢度食個lunch，飲個湯～小編今次實試咗兩款好適合夏天飲嘅湯，就係有機黃豆涼瓜排骨湯、椰子雪耳百合煲雞湯，唔夠飽嘅話，仲可以加多一個午市套餐～

Photo from PressLogic

有機黃豆涼瓜排骨湯含湯料，係夏天一個唔錯嘅選擇！涼瓜略苦，成碗湯唔算重味，可能呢個就係因為標榜健康無添加味精嘅關係～

Photo from PressLogic

而椰子雪耳百合煲雞湯都有幾多雞肉，睇得出係落足料。個湯尚算甜，湯完之後都唔會覺得口渴，飲得出無落味精，的確幾健康下！但對於重口味嘅人嚟講，可能就會覺得D湯好淡，無咩味！

Photo from PressLogic

小編覺得呢度嘅湯好唔好味都係見人見智，點煲都一定冇屋企自己或媽咪煲嘅湯咁健康好味！不過，事實係我地打工仔平時都避無可避，會食太多味精午餐～所以偶爾嚟呢度食一餐健康餐都唔錯！

Photo from PressLogic

而現場亦有多種套餐同小食嘅選擇，大家不妨lunch time個時，都過嚟食吓健康餐！

Photo from PressLogic

想知仲有咩食，大家可以上去原味家作個官網睇下！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）