真材實料龍蝦湯底～長沙灣芝士煙肉牛脷龍蝦湯麵！仲有士紫薯蟹肉波波！

長沙灣有間貌不驚人既小店，主打濃郁龍蝦湯底，小編入店睇過，龍蝦湯底真係店家用龍蝦同龍蝦殼用心煲出來，真材實料～！

呢個龍蝦湯底雲吞，湯底十分濃郁，仲有少少翅，雲吞雖然唔算大粒，但係同龍蝦湯一齊食口感唔錯，好香口。而價錢都走平民路線，一碗都係30蚊港幣。

小編比較推介呢個芝士煙肉牛脷龍蝦湯麵，都係可以揀龍蝦湯底，牛脷好淋好軟，配上面層既芝士碎煙肉碎好味！另外仲有少少蔬菜同玉米粒，好豐富～！

芝士燒香，黏附係牛脷上面，咁大碗都係50蚊，價錢合理。

麵條比較粗身，爽口彈牙，吸左龍蝦湯既味道，口感唔錯！

另外呢個芝士紫薯蟹肉波波都唔錯，炸得香脆，紫薯味同蟹肉好夾，係唔錯既小食之選！

地址：
長沙灣昌華街23號富華廣場地下16號舖

電話號碼：
2426 8828

營業時間：
11:30-21:30