細水長流愛足21年！曾不被看好的方中信與莫可欣～夫妻相處之道在於：「一人少句」！

好多情侶相識時對大家都好有感覺，但係長遠拍拖就會越來越多分歧，到底點解相愛但唔可以長相廝守呢？53歲嘅方中信同老婆莫可欣相愛21年，結婚9年，一直都咁恩愛～佢由當初一個自認未玩夠嘅浪子，去到今時今日嘅廿四孝好老公好爸爸，到底佢地兩夫婦嘅相處之道係咩呢？

Photo from Photo from 方中信Alex@Weibo

1. 互相支持與信任

雖然莫可欣係1993年嘅港姐冠軍，不過當戀情曝光時，外界一致批評佢襯唔起方中信，方中信就主動出黎維護佢，話最欣賞佢夠大方、包容同埋了解自己！

Photo from 方中信Alex@Weibo

而莫可欣亦對丈夫非常信任，方中信成日要去內地工作，雖然分隔兩地，但莫可欣從來唔會嘮叨同追蹤對方～

Photo from Photo from 方中信Alex@Weibo

2. 偶爾的浪漫情趣

今年情人節係方中信同老婆一齊度過嘅第21個年頭，兩公婆嘅浪漫竟然係一包生命麵包！方中信仲喺網上放閃，上傳咗佢地嘅禮物：「太太的情人節禮物，既實用，又飽肚！」

Photo from 方中信Alex@Weibo

當然，浪漫唔止呢啲啦，佢地仲會去番結婚時候嘅酒店重遊！

Photo from 方中信Alex@Weibo

3. 全心全意照顧家庭

方中信成日喺內地工作，但每一、兩日就會同囡囡視像通話，分享各自嘅生活，所以就算好耐無見都唔會覺得陌生～

Photo from 方中信Alex@Weibo

佢仲曾經坦言希望可以多啲留喺香港，多啲陪屋企人，係一個好盡責嘅好老公好爸爸～至於同老婆嘅相處之道，佢話「一人少句啦，最好嫁啦，夫妻之道最重要就係一人少句。」

Photo from 方中信Alex@Weibo