「旅遊有品」唔想尷尬？ 各國文化禮節必修課 ！千祈唔好錯呀～

近年香港人愈黎愈鍾意外遊，各國都有唔同嘅文化或者禮節，為左避免尷尬事情發生，出門前等小編同你惡補一下各國禮儀啦～

1. 日本

避免邊走邊吃 - 雖然日本街頭小食好吸引，但記住唔好邊走邊吃，因為會比日本人覺得為「下等」行為。

「雪雪聲」- 到日本食拉麪「雪雪聲」愈大代表愈欣賞廚師功架，相反如果靜靜地吃，廚師會以為食物不夠好味～

切勿用筷子接過別人夾過來的食物 - 因為這動作就好似火葬後撿骨的動作。用碗接就最岩嘞～

貼士 - 去到日本食飯就唔需要特別比貼士嘞，因為佢地會覺得招待客人係佢地嘅工作，係日本的餐飲文化中，俾貼士被視為無禮，一般佢地都唔會接受。所以就唔洗客氣嘞～

靜音車箱 - 乘搭新幹線、火車上時要將電話轉做靜音同埋唔可以通話。如果一定要接電話，咁你就要到下一站落車先好接聽。因為日本人想搭車時間安靜地休息一下！咁我地就唔好嘈住人啦～

Photo from Presslogic

2. 韓國

長幼有序 - 同長輩一齊食，無論為盛飯、上菜、倒酒，都要先遞俾長輩，等長輩起筷後晚輩先可以起筷。特吃注意倒酒嘅時候，需要按年齡大小順序，由長至幼，當長輩舉杯之後，年幼者先可飲酒，而在給長輩倒酒時要用雙手。飲酒嘅時候要側身手掩以表示敬意。

互相倒酒 - 同韓國人一齊飲酒的時候，如果睇到對方嘅酒杯已飲完就必須為對方倒酒，把酒至少倒至8分滿。如果其他人幫你倒酒，你就必須雙手拿著杯子準備接酒。

飯碗要放枱上 - 韓國以前只有工人或者僕人為左趕快食完飯工作先會端起飯碗食飯，韓國人認為把飯碗捧起就好似乞丐「討飯」的意思。

手指指 - 千萬不可以手指指路 因會被認為非常失禮，應伸直手掌心去指引方向。

單手遞交東西 - 當你要找換金錢或遞交東西給對方時，需以單手遞上 而另一隻手可放在手臂上。

Photo from 官網

Photo from Presslogic

3. 歐美國家

小費 - 去到美國、美國、加拿大等地，喺餐廳食飯要留意大部份餐廳賬單係唔會包含服務費，埋單時緊記給予總餐價最少15%- 20% 嘅小費俾服務你嘅侍應或Bartender。如果你身上唔夠散紙，對方都會好樂意幫你找換。因為佢地收入來源係來自佢地嘅小費，佢地嘅底薪相對比較低一點～

Photo from Presslogic

4. 非洲、印度、中東、斯里蘭卡等地方

千萬不可用左手握手或送禮 - 一定要記住唔可以用左手食野、送禮、握手等動作。因為以上國家人民會使用佢地嘅左手擦屁股，所以用左手佢地會覺得你好不敬架！所以記住用右手嘞～

Photo from Presslogic

5.西非、中東、拉丁美洲、俄羅斯等地

豎起手指公 - 記住避免比個Like人地（豎起手指公）因為佢地會覺得等同比中指佢地架～記住呀！

Photo from Presslogic

6. 德國

嚴禁納粹德國式敬禮 - 去到德國千祈唔好舉起右臂同本地人以納粹德國式敬禮， 德國人對呢個動作非常敏感，因為呢個動作代表「希特拉萬歲」和「勝利萬歲」非常有攻擊性架～ 因為德國聯邦議會通過了《反納粹和反刑事犯罪法》，規定禁止使用納粹標誌、口號及敬禮姿勢。記住嘞～

Photo from Tom & Jerry

去旅行一定要記實呀～～