民間貼地特首啊!撘地鐵、行街、買餸野生捕獲發哥當選~貼地又親民!

民間貼地特首啊!撘地鐵、行街、買餸野生捕獲發哥當選~貼地又親民!

HKplace 香港好去處 · Life 本地生活 · HotTalk 熱門話題
By Presslogic on 08 Sep 2017

係街頭偶遇到明星,論概率嚟講,香港應該算好高!畢竟香港係一個彈丸之地,出街真係好易見到明星~而你又見過邊個呢!?

Weibo
Photo from Weibo

小編中學時係九龍城讀書,一放學都好易係區內撞到明星拍戲同出街!搭飛機時又見過陳奕迅、馬國明,阿SA,差在未行山搭地鐵撞過發哥!

周潤發@Facebook
Photo from 周潤發@Facebook

周潤發@Facebook
Photo from 周潤發@Facebook

係香港,感覺有部分明星都會較貼地氣~贏得市民嘅心!今日小編就想分享下邊個明星最貼地氣!登登登登~就係周潤發發哥啦!

周潤發@Facebook
Photo from 周潤發@Facebook

由「捕獲野生發哥」系列開始,周潤發發哥已經由國際級、影帝等神枱層次跳到最貼地嘅親民位置。佢唔再係只可遠觀嘅天王巨星,而係行山搭巴士搭地鐵都可以見到嘅‘素人明星’。周潤發除咗言行夠地道,演技精湛,即使佢依加62歲,衣著打扮亦一直跟貼潮流!

Weibo
Photo from Weibo

有時係朋友圈,都不難發現到發哥嘅縱影~六旬嘅發哥年紀越大狀態越佳,街山相出街相買餸相,低調嘅佢都滲透著巨星風韻~

Weibo
Photo from Weibo

一直都係香港人心目中偶像嘅周潤發,貴為國際級巨星嘅佢,非常貼地又親民。市民撘地鐵、行街野生捕獲到發哥,只要問一句話可唔可以合照,都可以得到「與發哥selfie」嘅機會。發哥仲要體貼地揸機~真係好正!

周潤發@Facebook
Photo from 周潤發@Facebook

係南丫島長大嘅發哥,不時都會舊地重遊。秋天就到啦~大家又可以一齊同好朋友去行山~小編都想野生捕獲發哥,見一見呢位「民間貼地特首」,一賭風采!幾時到我幾時到我!?

劉嘉玲@FACEBOOK
Photo from 劉嘉玲@WEIBO

Text: Holiday editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編~謝謝~)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook