愛家深切～為照顧家庭回流TVB~唔計較做等閒角色！

係劇集《同盟》飾演易先生嘅歐瑞偉，除左係令小姐嘅左右手，而且十分效忠令小姐，為佢上刀山落油鍋都在所不惜，而且身手不凡，槍法又準，被網民封為「港版007」之餘，更獲得唔少師奶少女嘅喜愛添！

Photo from TVB
自幾年前處境劇《愛‧回家》飾演野心律師廖啟聰(KC)之後，已經令好多人開始重新認識歐瑞偉，加上上年為左劇集《城寨英雄》楊竹鑾一角激減15磅，為左爆衫仲不斷操fit自己，又戒晒油鹽糖，而且飾演終極大反派當中，深藏不露嘅演技再次備受注目，深入民心，成功打到入晒屋！
Photo from TVBPhoto from TVB

今次劇集《同盟》飾演易先生嘅歐瑞偉再下一城，連場打鬥場面，魅力沒法擋！歐瑞偉係劇中一再展身手，被網民封「港版007」，人氣急升，甚至力捧佢攞今年最佳男配角獎，《同盟》監製文偉鴻亦點名讚歐瑞偉。
Photo from 歐瑞偉Facebook
Photo from TVB

歐瑞偉開心獲讚，不過佢相當謙虛，係個人社交網站多謝網民之餘，亦不忘讚陳展鵬好打得，係好好嘅對手。佢更歸功於當年一班師兄弟、好打得嘅武師、動作指導，同佢哋一齊，有好多得著，好多謝佢哋。多位TVB藝人亦都係社交網站分享佢嘅報道同讚賞佢。
Photo from TVB

現年55歲嘅歐瑞偉其實一直都好用心演好每一個角色，就好似劇集《尋秦記》為人熟悉嘅「陶方」、《回到三國》搞笑又嚴肅嘅「關羽」、仲有《與諜同謀》同老闆情同手足嘅曾京生等等。
Photo from TVB
Photo from TVB
Photo from TVB

佢唔只戲裹重情重義，佢係戲外對老婆同兩個女都一樣咁有情有義。97年亞洲金融風暴影響甚深，以致吉隆坡樓價大跌，歐瑞偉為左佢屋企人，2000年係大馬回流TVB，曾經係電視劇做男一男二居多，但再返到無綫做嘅多數係閒角配角，收入大不如前。佢甚至有時係公司冇嘢做，幫手拉「威也」，幫補下家計。但佢唔怕辛苦，仲大讚佢老婆要照顧兩個小朋友，仲辛苦。為左家人去到咁盡，真係愛家深切呀！
Photo from 歐瑞偉Facebook

Text：Holiday Editorial

Photo Source: TVB

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載