惠英紅告別動作片之作《Mrs.K》剛柔並重嘅「真．女英雄- 惠英紅」!

9月21日上映嘅電影嘅《Mrs.K》，將會係惠英紅告別動作片之作。入行差不多40年，經歷過人生高低。由主角到配角、患過抑鬱症、身邊至親突然離世。演繹過 俠女、霸王花女警、滅絕師太、佔有慾極強媽媽、老年癡呆症...等等真正剛柔並重文武雙全，現年57歲嘅惠英紅為左新作練得一身鋼條身形、六舊腹肌，絕對係香港Wonder Woman《真．女英雄- 惠英紅！》

惠英紅1960年出生，14歲已被張徹導演賞識，成為邵氏基本演員。19歲時惠英紅得劉家良師傅提拔，憑住矯健身手演出一系列動作片，剛強嘅打女形象深入民心。22歲時憑武打喜劇片《長輩》奪得首屆香港電影金像獎「最佳女主角」。一直擔任女主角嘅惠英紅，直到40歲開始被派演配角及次要角色。而令佢患上左抑鬱症，絕跡銀幕多年事業逐漸陷入低潮。經過五年嘅時間，45歲嘅惠英紅終于能夠成功地克服心魔喺2005年復出娛樂圈。

Photo from 電影《長輩》

2009年惠英紅憑住電影《心魔》中一個佔有慾極強的母親，以49歲之齡第二次奪得香港電影金像獎「最佳女主角」以及第46屆金馬獎「最佳女配角」等等嘅獎勵。雖然紅姐能夠企返起身，但好景不常2012年，同佢感情好好嘅哥哥惠天賜喺北京猝死令紅姐情緒幾陷崩潰。2016年，患多年認知障礙症嘅媽媽逝世，令佢造成沉痛打擊。

Photo from 電影《心魔》海報

2016年電影《幸運是我》中惠英紅飾演一位患上老年癡呆症的母親，56歲嘅紅姐贏得第三座香港電影金像獎「最佳女主角」獎，緊次於張曼玉取得最多金像獎「最佳女主角」獎嘅女演員。

Photo from 電影《幸運是我》官網

2017年，現年57歲嘅惠英紅宣佈9月21日上畫嘅電影《Mrs.K》會係佢告別動作片之作。紅姐繼電影「心魔」之後再一次同何宇恆導演合作，對於拍動作片佢一直都會選擇親身上陣，為左能演出《Mrs.K》 拍攝前操練左3個月，練返一身鋼條身形、六舊腹肌！拍攝期間紅姐左腳韌帶和肌肉撕裂，決定《Mrs.K》會係佢告別動作片之作。

Photo from 電影《Mrs.K》官網

Photo from 電影《Mrs.K》官網

本地著名藝術家又一山人就想藉著今次機會，用鏡頭記錄低與惠英紅呢一瞬間 ，「一些你現在不留住，就不會再看到的畫面」，為惠英紅拍攝相集，紅姐與又一山人造訪了西環、中上環、裕民坊和石硤尾邨拍攝，紅姐一次又一次大汗淋漓地做出高難度動作，燕子踢、側手翻等都能駕馭自如，很難想像到紅姐已經57歲。惠英紅告別武打電影，香港再沒有女演員能成為後起之秀接班嘞～

Photo from Mrs K 惠英紅 facebook

Photo from Mrs K 惠英紅 facebook

【惠英紅 Moving On 57 x 57】 展覽期
日期：9月5日 至 9月 16日
地點：D2 place TWO lobby
日期：9月18日 至 10月 2日
地點：UA iSquare

小編希望喺未來日子可以繼續睇到更多紅姐嘅作品，香港電影不能少了這一位剛柔並重嘅神級演員-惠英紅！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載