台北共楽GungLok唔止係一間cafe~而係一間藝術店！

黎到台北，當然唔少得要去cafe打卡啦，但成日都係見D比較少女心可愛甜美嘅cafe，今次我地就去一間比較型格得黎又文青嘅港式cafe。依度買嘅食物除左有港人至愛，仲加入左好多新嘅元素。

Photo from 共楽 Gung Lok@Facebook
Photo from 共楽 Gung Lok@Facebook

共楽Gung Lok位置非常方便，中山站出左之後大約行2至3分鐘就到，外圍係用落地大玻璃嘅設計，有好多靠窗坐位，可以比大家一邊享受食物，一邊欣賞外面風景。佢係一間港式復合式餐廳，佢地之所以叫共樂，因為佢地致力透過香港飲食、藝術、潮流同音樂文化比更多人認識佢地，共楽會定期舉辦藝術展覽，有展覽空間比藝術家，或創作者黎租借場地或者合作，帶比食客更多嘅新鮮感同享受！一走入餐廳，到處都流有藝術嘅氣色，無論係傢俱、擺設、用具都好文藝，而且擺放嘅位置都別具心思，絕對文青必到嘅好去處！
Photo from 共楽 Gung Lok@Facebook
Photo from 共楽 Gung Lok@Facebook

佢地招牌菜就係岩漿法蘭西多士，厚厚嘅多士嘅外面炸得好金黃色，加上斜紋糖粉同方塊奶油，完全係港人喜愛嘅中西式mix and match！配埋鐵桶裝嘅脆薯條，仲可以點番茄醬同楓糖醬。因為西多士嘅熱度，奶油一早滲晒成件西多士，奶香味好重，一切落西多士，就聽到清脆悅耳嘅吐司切斷聲，即刻就湧出岩漿般奶皇餡，超誇張，超邪惡！第一口好有實在感，有熱辣辣嘅奶黃醬同奶油嘅甜度，加埋炸的香脆可口嘅吐司，完全冇得彈！配料都好好食，肥厚而不油嘅薯條，點上楓糖醬，又係一種新口味！薯條命可以免費續一次添！
Photo from 共楽 Gung Lok@Facebook

共楽 Gung Lok Union Grocery（@gunglok）分享的貼文 於 2017 年 4月 月 10 3:40上午 PDT 張貼

再到下一個邪惡食品——痴線通心粉，名副其實，有好多芝士痴住通心粉，加上濃郁嘅白醬味道，再戳穿半熟蛋，將三樣食物夾埋一齊食，芝士味超級濃，完全係視覺同味覺上嘅享受。

共楽 Gung Lok Union Grocery（@gunglok）分享的貼文 於 2017 年 3月 月 15 8:35下午 PDT 張貼

Photo from 共楽 Gung Lok@Facebook

跟住當然唔少得佢地嘅原味雞蛋仔加雪糕同埋朱古力醬，雞蛋仔又香又脆，而朱古力同香蕉又係絕配，單係外型已經好吸引，雖然淋左朱古力醬，但又唔會好甜，大家仲可以揀唔同口味嘅雪糕添！
Photo from 共楽 Gung Lok@Facebook

最後當然唔少得黎一杯絲襪奶茶啦，佢地完全按最好比例調出入口細滑嘅奶茶，用上香港正宗茶餐廳選用嘅黑白淡奶，仲用埋「撞茶、焗茶」最正宗嘅沖製方法，工夫不少得，飲起黎

共楽 Gung Lok Union Grocery（@gunglok）分享的貼文 於 2017 年 8月 月 29 3:10上午 PDT 張貼

Photo from 共楽 Gung Lok@Facebook

共楽Gung Lok
地址：台北市大同區赤峰街22號
電話：0973 857 415
營業時間：星期日-星期四 11:00 - 21:00
星期五-星期六 11:00 - 22:00

Text：Holiday Editorial

Photo Source: 共楽 Gung Lok Facebook and Instagram

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載