澳門又有好野玩啦!刺激又精彩嘅亞太區籃球盛宴超級8!仲可以係香港近距離同澳門格蘭披治大賽車3D畫創作打卡~

澳門又有好野玩啦!刺激又精彩嘅亞太區籃球盛宴超級8!仲可以係香港近距離同澳門格蘭披治大賽車3D畫創作打卡~

Hong Kong 香港食玩 · HKplace 香港好去處 · Event 展覽及活動 · Macau 澳門指南
By Presslogic on 15 Sep 2017

去澳門除咗去大三巴、食豬扒飽,原來仲可以參與亞太地區籃球季前邀請賽超級8(Super8)嫁!仲等,近近地,快D約埋熱愛籃球嘅朋友一齊嚟參與呢項盛事啦!!!

超級8獲得FIBA國際籃聯嘅支持同官方認可,將於今年9月20-24日係澳門新濠影滙舉行本年度最大嘅籃球盛宴。

Super8@facebook
Photo from [email protected]

亞洲8支來自唔同國家,包括中國、日本、韓國、菲律賓同中華台北嘅精英球隊將會係澳門共同爭取首屆“超級8”嘅冠軍榮譽,一同拼搏奮鬥!諗起個畫面都覺得好精彩啊!

新濠影匯官網
Photo from 新濠影匯官網

每日都將呈現亞洲精英籃球俱樂部之間嘅對決。為期5日嘅賽事期間,8支球隊將被分為2個小組,每組4支球隊。分別係A組: 高陽獵戶座(韓國)、琉球黃金帝王(日本)、璞園建築(中華台北)同深圳烈豹(中國)以及B組千葉噴射機(日本)、富邦勇士(中華台北)、首爾三星(韓國)同埋浙江廣廈(中國)。而每隊將進行3場小組賽。每組嘅前2名球隊將晉級之後嘅半決賽同決賽。

Super8@facebook
Photo from [email protected]

Super8@facebook
Photo from [email protected]

呢項首次舉辦嘅亞洲籃球季前邀請賽超級8,絕對係世界嘅頂級賽事!你又係咪心思思好想參與吓呢個籃球盛宴呢!?

Super8@facebook
Photo from [email protected]

快D買飛同熱愛打籃球嘅朋友一齊嚟啦~大家都可以同時關注超級8:澳門籃球邀請賽官方網站,了解更多詳情嫁!

Super8@facebook
Photo from [email protected]

不過,拎唔到假搭船去澳門參興超級8(super 8)都唔緊要,因為近近地,大家同樣可以喺灣仔利東街感受到澳門嘅活力同動感!

最近大家經過灣仔利東街,不難發現一個新嘅大型3D畫創作打卡景點!究竟係咩活動,可以令大家又可以近距離同F3賽車3D創作接觸,親親澳門格蘭披治大賽車,又可以齊齊感受到澳門嘅動感同活力呢?

感受繽紛澳門
Photo from 感受繽紛澳門

原來澳門特別行政區政府旅遊局為咗俾香港市民可以係唔洗過澳門之餘,又可感受到澳門多元化同繽紛嘅一面,即日至925日,舉行咗「感受繽紛澳門」大型嘅3D畫創作。

呢次創作係以「澳門歷史城區」同當地節日盛事為主題,活靈活現地將澳門獨有嘅中西交融同多元文化嘅城市風貌呈現係大家眼前。踏上幅幅嘅畫作,就好似置身係澳門一樣,見證400幾年嘅東西文化係澳門融合!真係好神奇啊~呢次唔需要搭船去澳門,都可以打到卡啦!

感受繽紛澳門
Photo from 感受繽紛澳門

而最特別嘅係,如果你對今年11月16日至19日,係澳門舉行嘅太陽城集團第64屆澳門格蘭披治大賽車有興趣,呢次活動就俾到你搶先同F3賽車3D創作近距離接觸嘅機會!真係無得輸啊!

為咗更有效咁可以同大眾互動,畫作仲揉合咗新穎嘅擴增實境(Augmented Reality,簡稱AR)技術。影相時,只需要係電話度下載應用程式「Experience Macao in Color」,就可以突破平面嘅局限,成為畫作嘅男女主角,親身感受吓自己獲頒獎盃嘅片段!真係好好玩,絕對值得拍照留念!

感受繽紛澳門
Photo from 感受繽紛澳門

大家可以利用下面兩個QR code 感受吓自己獲頒獎盃嘅畫面~真係好好玩啊!

感受繽紛澳門
Photo from 感受繽紛澳門

Text: Holiday Editorial

Presented by: 澳門特別行政區政府旅遊局

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編~謝謝~)


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook