王浩信深情演出！上年《EU超時任務》失獎~今年《踩過界》再被力棒！

上一年《EU超時任務》，王浩信飾演嘅渠頭已經深得網民喜愛，可惜運氣唔夠，未能獲得視帝，不過今年《踩過界》再下一城，憑住盲俠一角，再次被網民力棒！

王浩信係劇集《踩過界》中，基本上由頭到尾都係盲，佢要由一個眼部健全嘅王浩信變成失明嘅盲俠一整劇，其實真係好難，對眼唔可以正視，但又要做到感情，小編作為觀眾，睇到王浩信咁神級嘅演技都為之一讚！
Photo from TVB

Photo from TVB
相信唔少觀眾睇到第24集Yanice死，而盲俠果段內心戲之後，同盲俠一樣都有幾咁sad，小編都完全被王浩信嘅演技搞到想喊埋一份。加上上年係《EU超時任務》渠頭對住糞箕笠嘅深情對白，再一次係《踩過界》出現，不過今次身份唔同，係由Yanice對住盲俠講，令觀眾再一次感動。
Photo from TVBPhoto from TVB

雖然《踩過界》係國內已經播放完晒，但都有好多粉絲依然係討論區開post，話要推到王浩信攞視帝，甚至覺得佢已經超越《同盟》嘅陳展鵬。不過《使徒行者2》即將首播，加上台慶劇《溏心風暴3》上映，多套劇集嘅男主角都係非常好戲之人，例如三哥、陳豪、夏雨等等，大家都好擔心王浩信最終命運會唔會同上年《EU超時任務》一樣，只係贏得《最受歡迎劇集搭檔》獎，但失去視帝寶座。
Photo from TVB
Photo from TVB
Photo from TVB

究竟王浩信今年可唔可以穩奪視帝就真係未知啦，不過佢嘅最佳搭檔朱千雪就力撐，佢仲話：「佢喺我心目中已經係視帝，佢今次飾演一個盲人，其實一啲都唔易㗎，因為觀眾一睇就知你演得似唔似，我知佢落咗好多心機，呢啲我相信大家都係睇到，我喺bigbigchannel直播都有講，我同網民一樣，都想推到佢攞視帝，第一步就希望喺海外攞咗先啦，之後返嚟公司台慶啦，拍《EU超時任務》嗰陣我已經覺得佢好好，佢係視帝嘅材料，幾時都好啦，佢係一定會攞到，無論係今年定下年，佢努力一定有回報，我都希望觀眾都會投佢一票。」小編同好多觀眾一樣，希望佢今年有好成績啦！
Photo from TVB

Text：Holiday Editorial

Photo Sources:TVB

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載