食肉獸出動！荃灣超高質素啤酒脆皮走地雞同脆皮德國咸豬手～仲有送自家制外置充電器！

擁有自己一道招牌菜式係每位廚師嘅夢想，為咗創造出獨有嘅味道，必定攪盡腦汁！Docks Bar & Restaurant 廚師憑著對食物嘅熱忱，令美味嘅食物成功俘虜小編嘅歡心。今日，小編就嚟同大家介紹餐廳嘅3道招牌菜式，全部都令小編流晒口水，好好味啊～偷偷話你知，小編已經book定下次嘅位，要帶好朋友嚟試試啊！

Photo from Presslogic

1)啤酒脆皮走地雞($298)

係店內嘅招牌菜！創辦人均四出試味，多番鑽研，希望將「北京填鴨」、「南乳吊燒雞」同「法式烤雞」嘅精髓融合為一，最終研發到「啤酒脆皮走地雞」，將中西風味完美地呈現。製作過程好繁複，一D都唔馬虎，首先用 2 日時間醃製，拖水後要風乾 18 小時，為雞身上色後要係烤爐，烤焗約 1 小時，然後放係不透鋼器皿上吸收啤酒嘅香氣。唔好以為啤酒味好重，小編反而俾雞嘅香味陶醉了。

Photo from Presslogic

呢個啤酒脆皮走地雞嘅外觀已經無得輸，滴晒油令人垂涎三尺，但都要忍忍口影咗相先～外皮焗到好脆，雞肉都好滑好香！真係必食啊～

Photo from Presslogic

而且加多$30就會有配菜，薯條都炸得好香口！但大家一定要記得，呢個招牌菜係6點後限量供應，為咗令到呢味菜保持高質量，每日都只係供應10隻雞咋！餐廳話，星期五至日供應量會多少少。不過，大家最好就係book位時，同餐廳留定隻雞先啦～

Photo from Presslogic

2)美國穀飼牛（$298)

頂級牛排係餐廳嘅人氣之選。牛排選自美國穀飼牛，肉質好鮮嫩、低脂少油，油花分佈均勻，肉質扎實，食起上嚟不乾不澀。一咬落去，真係好juicy啊！而且肉質細緻軟嫩，鮮嫩同香甜嘅肉汁令小編感到好滿足啊！小編唔係誇張，真係好好味，鍾意食牛嘅朋友千祈唔好錯過啦！！！

Presslogic

Photo from Presslogic

3）脆皮德國咸豬手（168）

小編真心推薦！！！雖然脆皮德國咸豬手邊度都有得食，但係Docks Bar & Restaurant 嘅德國咸豬手一D都唔似出邊個D咁韌、難咬到好似食香口膠咁～呢度嘅脆皮德國咸豬手，皮脆，真係好好味！而且份量都算大份，2知人share送埋啤酒，真係happy hour之選！

Photo from Presslogic

最特別嘅係，咸豬手有4種佐料～其中一樣係蜜糖～真係好特別～小編都好喜歡！

Photo from Presslogic

呢度環境好優靜，餐廳內仲有遊戲俾大家玩，例如飛鏢，足球機等等， 絕對係傾計、聚會嘅好地方。

Photo from Presslogic

而且係新張期內，消費滿$200蚊，儲滿積分，就有機會獲得自家制外置充電器一個！自家制外置充電器設計都好靚架～仲有仲有，新開張期內，於3點至6點期間，凡惠購生啤兩杯，即送1份小食。

Photo from Presslogic

食肉獸呢次都唔好錯過啦～Docks Bar & Restaurant嘅食物全部都好高質素！快D bookmark 定，下次同朋友一齊嚟玩下食下野！！！

Docks Bar & Restaurant
營業時間: 星期一至日 15:00-04:00
電話:28122121
地址:荃灣享和街 57 號都城大樓地下 A 舖

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載