細妹激似苟姑娘？湯洛雯21歲細妹同樣係女神級，清純VS性感點揀好啊？

近排晚晚8點半都喺電視見到靚湯湯洛雯，唔少網民都話靚湯終於捱出頭做到女主角，有氣質之餘仲好「gfriendable」！原來靚湯仲有個21歲嘅細妹，成日喺Instagram曬兩姐妹甜蜜合照，發現兩個都有遺傳到爸爸媽媽嘅強大基因，一樣咁靚女！

香港小姐競選出身嘅靚湯之前唔算係大台力捧小花，不過都算幾有觀眾緣！今次係《燦爛的外母》做女二，唔少網民話終於有種「捱出頭」嘅感覺。靚湯眼大大又夠水汪汪，個鼻又夠高，笑起嚟仲好sweet添！難怪唔少人都覺得佢望落自然又順眼～

湯洛雯經常喺Instagram上載同細妹嘅合照，仲hashtag埋細妹個Instagram，睇得出兩姐妹感情應該勁好，唔通靚湯呢排上位都想順手捧紅埋細妹？大家又覺得佢地兩姊妹似唔似呢？真係唔講都唔知靚湯收埋個靚細妹，有網民留言話細妹似林嘉欣mix苟姑娘啊！

同靚湯相比，細妹比較走abc歐美風，仲有種淡淡嘅古典美，兩姊妹完全走唔同風格～

側面望啲輪廓又真係幾似苟姑娘喎～～

原來細妹湯樂瑤Cassandre來頭都唔小，依家讀緊中文大學法律系LLB，又靚又讀得書～

兩姊妹感情超好，細妹Cassandre亦都不時post佢同靚湯嘅合照！

嘩～細妹同媽咪直頭成個餅印一樣，而爸爸睇落亦都十分有型，成家強大基因絕對無得輸～

Cassandre Instagram仲成日會post靚靚旅遊照，仲毫不吝嗇咁大show好身材添！

唔少網民都話兩姐妹各有各靚，你又覺得兩姐妹邊個靚啲呢？

Text: Girls Editorial
Photo Source: instagram @cassandretong、@roxannetong

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）