公主閨蜜出動啦～超夢幻獨角獸野餐下午茶～仲可以寫許願卡同免費Gel甲～

By 123testing on 11 Oct 2017

相信無女仔會唔鍾意去靚嘅餐廳食野hightea影相打卡！依加上環有一個好靚嘅獨角獸主題餐廳DK Cuppa Tea，帶俾你野餐嘅感覺之餘，仲可以食靚靚獨角獸甜品，等你同閨一同享受一個悠閒嘅下午茶。
Photo from presslogic

入到餐廳，已經俾餐廳嘅設計所吸引～好靚嘅草地，令到小編心情好好，就好似同閨蜜嚟咗一塊草地野餐咁啊！牆角有好多花圈俾大家揀，戴係頭上好似公主咁～
Photo from presslogic

係等位嘅過程，凡惠顧下午茶，就可以即場免費試做高清數碼美甲彩繪，不過只限其中一隻手指。估唔到嚟食個tea都有得Gel甲，而且仲可以揀獨角獸圖樣tim～

而係食下午茶set前，小編就獲贈五張「魔法咭」，店主Kat會叫你抽其中一張，原來每張「魔法咭」都係介紹唔同嘅香薰精油同療效！抽中嘅香薰精油就會點燃係你張台上，等你同閨蜜聞住花香香薰精油食tea～
Photo from presslogic

終於，靚靚嘅粉紅色6款獨角獸造型甜點出場啦！分別係獨角獸玫瑰味馬卡龍、獨角獸雲呢拿味曲奇、獨角獸翻糖蛋白餅杯同紅莓蛋糕！仲有咸品，分別係煙三文魚餡餅、檸檬香草肉絲餡餅、香辣肉絲餡餅同真純芝士餡餅。無論鍾意甜定咸嘅你，嚟呢度就岩晒啦～
Photo from presslogic

棉花糖一遇到有機熱花茶，就會融化～近睇好似落緊雨咁，真係好特別，而且花茶都會有陣陣嘅棉花糖香～
Photo from presslogic

係呢度，真係好岩影成日卡～每一樣食物都睇得出老闆KAT好俾心思，飲個花茶嘆個tea～真係好relax好悠閒！
Photo from presslogic

唔好以為得女仔先會嚟呢D靚靚嘅餐廳～小編見現場都有好多男仔帶女朋友嚟～係愛啊！而且DK Cuppa Tea 每一個時期都會有唔同主題嘅tea set～例如美女與野獸，真係好岩同男朋友嚟～（哈哈），仲有深受女仔歡迎嘅Tiffany blue dreamy sweet tea-set～同優遊饗宴（有龍蝦食啊！）小編諗可能仲會有halloween set添啊！好想再嚟多一次～
Photo from presslogic