盤點宮崎駿五位最有魅力男主角！唔知你又最中意邊個呢～

動畫大師宮崎駿筆下嘅人物簡直就係唔少人嘅童年回憶呀～～
今次小編就私心介紹心目中最喜愛嘅宮崎駿男主角啦！！

第五位：「心之谷」-天澤聖司

Photo from 心之谷

1995年上映嘅「心之谷」真係一套令人感動嘅少女動畫呀～
15歲嘅男主角天澤聖司係一位才色兼備嘅美少年，仲係一位好有夢想嘅熱血青年！！
佢嘅夢想係成為一個出色嘅小提琴名匠，仲決定中學畢業之後去義大利進修～
為咗令女主角月島雫注意到佢，佢就成日借好多書黎引起女主角嘅注意～好浪漫呀～

第四位：「天空之城」-巴魯

Photo from 天空之城

相信大家一聽到「天空之城」，個腦會自動播出佢嘅主題曲呀～
故事中嘅男主角巴魯係一個好大隻嘅美少年，為咗繼承父親嘅遺志決定自己整一架飛機去尋找天空之城，當中遇上重重困難，
因而遇上女主角希達展開咗一場浪漫又刺激嘅歷險～

第三位：「幽靈公主」-阿席達卡

Photo from 幽靈公主

小編細細個睇「幽靈公主」真係比入面嘅怪物嚇親呀～好彩男主角阿席達卡非常勇武！
男主角阿席達卡中咗詛咒，為咗解咒而去咗達達拉城遇上公主卡雅，於是就同卡雅一齊捲入一場保衛森林嘅戰爭～
阿席達卡勇敢又無懼嘅精神真係迷到好多少女呀～～
「幽靈公主」仲曾經一度係日本電影史上票房榜首！

第二位：「千與千尋」- 白龍

Photo from 千與千尋

「千與千尋」有幾受歡迎相信都唔洗小編多介紹啦～
男主角白龍本身係一個河神，但係因為掌管嘅河流比人類填平咗，所以無家可歸而成為咗湯婆婆嘅弟子～
佢係成個故事入面一直無微不至咁照顧一樣係無家可歸嘅女主角千尋，細心嘅男仔真係魅力沒法擋呀！

第一位：「哈爾移動城堡」-哈爾

Photo from 哈爾移動城堡

最後一位大家一定心中有數啦～
哈爾被公認為宮崎駿作品以黎最靚仔嘅男主角！
「哈爾移動城堡」係改編自西方嘅小說，所以故事嘅表達手法都有別於以往宮崎駿嘅風格～
男主角哈爾係一個非常貪靚嘅美少年～佢本來同惡魔做咗交易以致自己無咗個心臟，但最後都比女主角蘇菲救返，仲同蘇菲結婚過上咗幸福快樂嘅日子～

唔知你地又最中意宮崎駿邊個男主角呢～？

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載