四大緊扣「香港無限」展覽主題～悠閒好去處～岩晒觀眾影相留念！

早前「印象∞香港」展覽舉辦左「社區規劃工作坊」同「藝術工作坊」，比參加者以生動有趣嘅方式接觸城市規劃，是次活動反應踴躍，所以規劃署宣佈在10月同11月份再舉辦兩個全新互動工作坊，包括「光影樂遊」同「速寫工作坊」，參加者可以運用現代同傳統藝術創作方法，表達對香港城市規劃同基建發展嘅獨特印象，並通過活動推廣城市藝術同文化生活。

Photo from Golin
「印象∞香港」展覽展期由即日起至2017年11月30日，於中環展城館同毗鄰嘅愛丁堡廣場舉行。設於戶外展區滿載新未來主義嘅設計風格，藝術家同任何人都可以係依度分享佢地對香港嘅印象。
Photo from Golin

但由於反態熱烈，而家「光影樂遊」同「速寫工作坊」嘅報名已經full晒。不過參加唔到活動嘅朋友仔都唔緊要，觀眾市民可以參觀其他展覽。發展局同規劃署為左慶祝香港特別行政區成立二十周年而特別舉辦「香港∞印象」展覽，自6月20日開幕至今已吸引超過7萬3千名訪客參觀。成個展覽以藝術發展進程為靈感，展示香港的城市規劃同基建發展，如何鞏固香港作為亞洲國際都會嘅地位。展覽由四個主題展區組成，包括「宜‧居」、「展‧望」、「藝‧文」及「樂‧遊」，探索未來香港嘅無限可能。
Photo from Golin
Photo from Golin

一、「宜‧居」（位置:展城館地下）
展區會以印象派風格為設計靈感，展示香港轉變過程，比參觀者體驗宜居香港嘅六個不同範疇。展覽另外設有六組半透明展板，以印象派繪畫風格展示來自該六段影像剪影。每個剪影均以一個中文字作代表，包括「家」、「遊」、 「水」、「通」、「連」及「顧」，藉此扼要闡述六段影像。參觀人士可以係展覽裝置前拍照留影，就好似置身係印象派畫作之中。
Photo from Golin

二、「展‧望」（位置:展城館三樓）
在展區透過後現代主義手法，通過五個互動模型，運用數碼科技、新物料同光線展示香港重要嘅發展項目。所有模型都特別加入互動元素，以輕鬆有趣嘅方法向參觀人士講解香港城市規劃同發展。
Photo from Golin

三、「藝‧文」（位置:展城館三樓）
展區展示西九文化區內多個藝術發展項目，包括戲曲中心虛擬實境體驗區，透過虛擬實境技術令參加者仿如置身戲曲中心，亦展出M+視覺文化博物館同埋香港故宮文化博物館嘅模型。
Photo from Golin

四、「樂‧遊」（位置:愛丁堡廣場）
設於戶外空間嘅展區，滿載新未來主義設計風格，展區的中心構築物形狀如「∞」莫比烏斯環，象徵香港未來蘊含無限可能。年輕藝術家會係展區內以兩種截然不同嘅風格—數碼藝術同馬賽克藝術，去演繹香港嘅地方、人物、事件同集體回憶。展區亦會提供舉辦展覽同活動，比市民分享佢地對香港嘅印象。「樂‧遊」展區係上午10時至晚上8時開放，並係每天晚上7時至11時亮燈。
Photo from Golin

另外，展覽期間設有導賞團。如果想了解詳情，請致電+852 3102 1242，或瀏覽 www.citygallery.gov.hk。
Photo from Golin
Photo from Golin

Text: Holiday editorial

Photo Sources：Golin

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載