沙律控請注意！港九新界冇問題～係屋企都可以食到高質沙律！

By 123testing on 08 Nov 2017

沙律星球Salad Planet HK係一間網上沙律公司，提供外賣服務，愛食沙律／追求健康／減肥人士就岩晒啦！大家唔洗出門，唔洗買材料，只要係裝上訂購，就有專人送比你架啦！

Photo from Presslogic
成個訂購流程好簡單，大家先係佢地嘅網站，揀你想要嘅食品或飲品，再輸入地址同送貨時間，然後係網上付款，之後就有速遞員直送你府上架啦！揀左你想食嘅沙律之後，就可以揀醬汁，全部醬汁都係佢地每日自己調配，再入醬汁盒，絕對唔係買返黎。
Photo from 沙律星球官網

每款食物配一款醬汁，包括橄欖油醋汁(低糖，素食)，希臘乳酪沙律醬，泰式風味汁（低糖），韓式甜辣醬（低糖），蜂蜜芥末醬。如果想額外加多一個醬汁，就要加$5，仲可以額外加最多3款配料，每款都只係$5-$10，好抵！不過佢地冇堂食，只有外送/pre-order服務。佢地亦會因應唔同季節推出新款，近期就推出左秋冬季節限定嘅栗子雞肉沙律，真係岩晒而家食用呀！
Photo from Presslogic

沙律星人Combo($78)係佢地一向最受歡迎既沙律, 材料非常多，佢地亦會不定時加入新材料，而家主要材料有火箭菜, 沙律菜, 西蘭花, 牛油果, 車厘茄, 奇異果, 鷹嘴豆, 藜麥, 合桃, 甘荀, 雞蛋，營養非常豐富！
Photo from Presslogic

如果唔想全部蔬菜類，又想食少少肉嘅朋友，我建議黑椒牛肉沙律($68)，黑椒醃過令牛肉味更突出，配上螺絲粉一齊食，絕對唔會覺得dry，加上西蘭花, 蘿白絲, 車厘茄嘅配搭，帶黎更多層次嘅口感。
Photo from Presslogic

小編極力推薦日式南瓜蕃薯沙律($60)，顏色好鮮艷，新鮮嘅日本南瓜同日本蕃薯蓉，加上雞蛋碎同南瓜籽仁，加上希臘乳酪沙律醬調味，多種配料都好夾，好好食，小編食完都想再encore呀！不過日式南瓜預計有機會11月17號下架，所以想食嘅朋友就要快D試下啦！
Photo from Presslogic

雞肉什錦沙律($68)，雞肉係用真空慢煮，非常入味，推薦加入希臘乳酪沙律醬一齊食用，混入左乳酪嘅沙律醬，食落每啖倍感清新健康，仲有栗米同羅馬生菜，唔會覺得同沙律星人太相似。
Photo from Presslogic

如果係素食者建議試下羽衣甘藍蘋果沙律($68)，材料包括羽衣甘藍, 火箭菜, 蘋果, 腰果, 松子仁, 薯仔, 雞蛋。入面就勁多蔬菜水果，再加埋橄欖油醋汁食用就岩晒啦，低糖又唔肥膩，岩晒素食者嘅你呀！
Photo from Presslogic

除左沙律，佢地嘅果昔都一樣吸引，小編推介羽衣甘藍果昔($38)，入面有羽衣甘藍, 香蕉, 牛油果, 龍舌蘭蜜, 杏仁奶，小編向來唔鍾意飲杏仁奶，但估到飲落去咁match，完全唔會有杏仁種強烈味道，飲落去好creamy好fresh，佢地亦冇加入麵粉、牛油同忌廉，飲幾多都唔會有罪惡感呀！
Photo from Presslogic