出道11週年～重溫TaylorSwift轉型之路！過去專輯大檢閱～

Taylor Swift新專輯《Reputation》係上星期已經公開發售，首日iTunes連實體CD共賣出70萬張！
天后魅力沒法擋～而且《Reputation》大玩電音同Rock路線～正正式式告別以往鄉村歌手嘅形象～
難怪佢係主打歌《Look What You Made Me Do》都表示：The old Taylor is dead!
今次就等小編一齊重溫佢以往嘅專輯～睇下佢嘅轉型之路啦！

第一張專輯：《Taylor Swift》

2006年Taylor Swift推出首張同名專輯～正式以鄉村歌手出道！當時只得17歲嘅佢已經係「告示牌Top鄉村音樂專輯榜」裏面排名第一！
每一首單曲都登上iTunes單曲冠軍，其中主打歌《Tim McGraw》係描述佢同另一位鄉村歌手嘅愛情故事，
原來第一張專輯開始佢已經中意憑歌寄意架啦～真係有跡可尋！
當時佢仲留住一個「公仔麵」頭，仲有一番稚氣～
第一張專輯已經咁好成績～令到佢人氣急升！憑住鄉村風格打出名堂！

Photo from Taylor Swift

第二張專輯：《Fearless》

一手包辦所有曲詞，2008年推出嘅《Fearless》破左多項紀錄，可以話係Taylor Swift嘅大突破～當中最廣為人知嘅應該係主打歌《Love Story》～
呢首歌亦都成為史上銷量第二嘅鄉村單曲，
呢張專輯係Billboard 200榜內停留時間長達222週！亦都成為鄉村音樂史上獲獎最多的專輯～
當中《Forever & Always》更加被認為係寫比前男友Joe Jonas！
呢隻碟亦為佢帶來首次世界巡迴演唱會，足足122場！順帶一提，其中一場係有黎到香港架～

Photo from Fearless

第三張專輯：《Speak Now》

自從上一張專輯成績爆標之後，呢張專輯開始Taylor亦都慢慢開始加入流行元素～
但主打歌好似《Mean》咁依然係帶有鄉村風格～
佢嘅招牌紅唇打扮亦係呢隻專輯開始，亦都開始睇得出佢慢慢轉型～
首週銷量達到104張，亦都係唯一一位可以係專輯首週破百萬銷量嘅鄉村女歌手，奠定左Taylor嘅天后地位～

Photo from Speak Now

第四張專輯：《Red》

Red呢隻專輯開始Taylor已經有大部分歌曲都有流行元素，主打歌《We Are Never Getting Back Together》都加入大量流行元素了～
但歌曲始終主流得黎依然有鄉村風味～
而髮型上都捨棄左已前嘅招牌大曲髮～
雖然呢隻專輯同以往風格有別，但全球銷量已超過600萬啦～可見Taylor係主流樂壇亦都不失粉絲～

Photo from Red

第五張專輯：《1989》

Taylor曾經表示《1989》係佢第一張正式流行專輯，而佢亦都拋棄左長期樂隊中嘅部分成員，正式告別鄉村風格。
《1989》令Taylor成為唯一一位有三張專輯係發行首周賣出超過100萬張嘅歌手～
雖然佢轉左型，但佢嘅銷售成績一次比一次輝煌～
而佢專輯入面嘅Side Track其實都可以睇得出佢嘅創作風格，依然係比較平靜～

Photo from 1989

第六張專輯：《Reputation》

上星期先推出嘅《Reputation》可以話係同以前嘅Taylor一刀兩斷！係發售之前佢仲大玩神秘，清空左所有社交賬號～
係主打歌《Look What You Made Me Do》佢加入大量電子元素，歌詞內容都比較黑暗～
不再係圍繞愛情～不過一貫到Taylor嘅創作風格就係佢呢首歌被示為係一場大反擊～反擊出面嘅流言蜚語！
雖然專輯推出未夠一星期～但相信成績一定會更上一層樓！

Photo from Reputation

你又最中意Taylor Swift嘅邊隻專輯呢？