2017日本紅白歌合戰名單出爐！今年亮點係咩呢～必看！

日本方面日前就公佈左今年紅白歌合戰嘅出演名單～今年主題係「歌唱夢想」（夢を歌おう）～
作為日本一年一度嘅盛事～各位J-Pop迷一定唔會錯過啦～
每年都會好緊張自己中意嘅偶像有無得上啊～～
今次就比大家睇下今年有咩驚喜啦！

TWICE
首先令大家相當驚喜嘅一定係Twice嘅出演！成為時隔6年後，再有韓國團體參加節目～
而且亦都係Twice第一次出席紅白歌合戰～大家都好耐無係紅白上見到韓團了！
亦係紅白出席團體資歷最淺！（日本出道六個月）
好期待佢地會唱咩歌呀～

Photo from Twice

Hey！Say！JUMP

岩岩好出道十週年嘅男團Hey！Say！JUMP係今年終於都有得上紅白～其實當中有部分成員好似知念侑李同山田涼介等等都已經上過紅白，但齊人上去都係首次～
所以真係感動不少粉絲呀～相信佢地嘅組曲一定好令人期待～

Photo from Hey! Say! JUMP

倉木麻衣

事隔12年，倉木麻衣終於再次登上紅白大賽！今年佢推出左新專輯《Smile》～
其中主打歌《YESTERDAY LOVE》 正好係倉木麻衣係名偵探柯南​​20週年入面第20次演唱嘅主題曲！
唔知佢紅白會唔會再唱動漫歌曲呢？

WANIMA

2010年出道嘅日本3人搖滾樂隊WANIMA(ワニマ)今年亦都首次登上紅白～
今年佢地推出單曲《やってみよう》人氣急升～佢地表示能夠上到紅白真係超級開心呀！

最後要介紹下今年嘅主持啦！
紅組有有村架純做代表～舊年亦都係佢做紅組嘅主持人～
相信大家都好記得佢代表作《奇蹟補習社》～

至於白組就有「嵐」成員之一嘅二宮和也，亦都係佢首次單獨擔當白組主持啊～

不過有好多熟悉嘅面孔今年都無再登場啦～
例如已經宣佈出年將會引退嘅安室奈美惠，不過目前盛傳佢會用預錄嘅方式登場，真唔真就要到時先知喇。

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載