只要提早準備好需要文件，返港都唔使「坐監」

如果你叫D寵物主人同你一齊去旅行，結果得兩個：唔去或者去超短期。
所有主人都好想去玩但又搵唔到可以幫佢照顧好寵物嘅朋友，所以最後索性唔去，其實點解唔諗吓帶埋寵物一齊去呢？Viutv全新旅遊節目《飛不甩家毛》決定代各位主人踏出第一步，由兩位主持人駱振偉同譚凱倫帶狗狗Mit Mit一齊去旅行，從決定出發到真係踏出外地要準備同注意嘅所有嘢一五一十咁話畀大家知，帶狗狗去旅行係咪真係咁困難？

Photo from ViuTV《飛不甩家毛》

1.鑑定狗狗搭唔到飛機
同狗狗去旅行前期功夫比較繁複，不過最重要係要確定自己隻狗可以上飛機。
一般年輕嘅狗狗冇病冇痛都可以上到機，但要留如果你嘅寵物係扁鼻類咁就9成都唔上得飛機，因為氣溫問題會影響寵物呼吸，好危險！

Photo from Pineterest

2.準備狗狗出國嘅文件

Photo from ViuTV《飛不甩家毛》

要帶狗狗去旅行，最穩陣就係出發前2個月開始準備，因為主人有幾樣野要做，做少樣分分鐘返唔到屋企㗎～
首先要帶狗狗去打狂犬病疫苗(拎狗牌)，等最少30日產生足夠瘋狗症抗體。然後狗狗要抽血化驗，等3-4星期獲取化驗報告(合格狂犬病抗體血液測試報告)。好多人都唔捨得愛犬去完旅行返港要隔離檢疫，俗稱「坐監」，咁主人就記得一定要帶齊狗牌、針卡同填好的文件去漁護署申請回港特別許可證同居留證明豁免書啦～

Photo from ViuTV《飛不甩家毛》

申請好文件，出發前10內要搵私人獸醫做多次檢查，由獸醫寫歐盟健康動物證明書，然後去多次漁護署喺證明書上加簽確認，咁基本上準備功夫就大功告成！

Photo from ViuTV《飛不甩家毛》

3.分清楚寄艙定hand carry
原來有D飛機係可以畀主人帶埋愛犬一齊上機艙乘客位㗎～不過都要係要放入袋度，好似行李咁放凳底，飛行期間唔可以抱出嚟，寄艙嘅話個籠都有個指定尺寸，大家要留意返航空公司指引。

Photo from ViuTV《飛不甩家毛》

Photo from ViuTV《飛不甩家毛》

如無意外，各位主人就可以順利帶愛犬到達外地，好多外國酒店都好歡迎寵物同伴入住，不過主人們都要問清楚使唔使額外收費或者寵物可唔可以帶入房等等，今次MitMit跟住兩位主持人遊德國仲去咗好多同寵物有關嘅地方，小編都好羨慕佢呀！

Photo from ViuTV《飛不甩家毛》

Photo from ViuTV《飛不甩家毛》

Photo from ViuTV《飛不甩家毛》

最後等小編幫大家整理一下要帶嘅文件checklist~
-狗牌
-針卡
-回港特別許可證
-居留證明豁免書
-合格狂犬病抗體血液測試報告
-歐盟健康動物證明書
-動物健康證明書

希望大家都可以同寵物開開心心去旅行啦~~

Photo from Viutv

參考資料(帶寵物出入境):漁農自然護理署

Viutv《飛不甩家毛》
播出日期:12月23日起逢星期六晚上10時30分

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載