愛上fusion菜的你必試！手工墨魚汁薄餅＋分子玫瑰乳酸＋皇牌朱古力蛋糕＋朱古力松露！

By 123testing on 14 Dec 2017

西餐食到厭厭地，日本菜又貴，中菜又成日食，不如就試下依間以西餐為主，但混合埋中日式元素嘅Villa Villa Cafe & Bar啦，包你一試難忘呀！臨近聖誕，佢地仲推出左2人聖誕套餐同甜品，岩晒情侶閨密去食返個浪漫dinner呀！

Photo from Presslogic
依間餐廳主打手工Pizza，每塊餅底都係師傳自家製，就連酒店都有搵佢地訂製餅底添！而且佢地近期仲係隔離租多個鋪位，地方大左，客人唔洗等太耐位就有得享用美食啦！
Photo from PresslogicPhoto from Presslogic

先黎介紹佢地招牌菜櫻花蝦Pizza，薄底係用墨魚汁調製，黑色焦香又超線薄，食落去勁鬆脆，中層仲放滿芝士，食時會有拉絲嘅感覺，仲有魷魚、菠蘿、茄醬等材料，而餅面仲放滿哂密密麻麻嘅日式櫻花蝦，睇見未食都已經流哂口水呀！
Photo from Presslogic
Photo from Presslogic

下一道同樣係大賣嘅北海道黑松露帆立貝意大利飯，上面有四大件刺身帶子，煎得非常金黃香口，但仍然保持到刺身嫩滑口感。而意大利飯加入左好香濃既黑松露煮，食落口粒粒米都依然好有咬口，加埋帶子一齊食，完美！聖誕套餐都可以食到架！
Photo from Presslogic
Photo from Presslogic

另外，佢地嘅自家製美國牛肉漢堡同樣出色，牛肉輕熟嫩滑，好有厚度又多肉汁，上面仲有隻太陽蛋，刺開蛋黃，睇見D汁漏到牛肉同麵包度，感覺好治瘉。
Photo from Presslogic
Photo from Presslogic

除左主菜，不能不讚賞佢地嘅小食，尤其係招牌黃金炒薯條，加入熔左既鹹蛋黃，令鹹蛋掛滿每一條薯條，食落勁脆口得黎仲有陣陣嘅鹹香味，小編都忍唔住食左好多呀！而佢地嘅藍青口都好好食，藍青口非常新鮮鮮甜，岩晒鍾意食青口嘅你。
Photo from Presslogic
Photo from Presslogic

飲品方面不得不提分子玫瑰乳酸特飲，上面用分子料理嘅方法去製造大量嘅泡沫，非常挺身，唔似得坊間用棉花糖去整，冇咁容易冧落黎，泡沫上面仲有好多玫瑰花瓣，飲落去仲有淡淡清新玫瑰香味添！仲有Dark Ganache Milk，隻匙羹仲要係用朱古力做，食得架！
Photo from Presslogic
Photo from Presslogic

Photo from Presslogic
到女士們最期待嘅甜品啦，其實餐廳除咗主食外，鋪面仲有甜品櫃，大家食完晚飯，就可以去揀甜品食啦！小編極力推薦皇牌朱古力蛋糕，所有食材都來自外國，外層有超靚鏡面朱古力，入面就用左66% Ganache、朱古力慕絲同朱古力蛋糕。一切開黎食，口感非常細滑又有濃濃嘅朱古力香，如果你係朱古力控，你絕對冇唔食嘅理由呀！佢地其他甜品都一樣好吸引，例如Villa Villa 歌劇院同紅桑子白朱古力芝士蛋糕。
Photo from Presslogic
Photo from Presslogic

而且仲接受預訂聖誕2人大餐，大家只要係12月20日前訂，仲送出聖誕小禮包一個，包括三味朱古力松露（bitter、baileys、espresso）同自製朱古力粉，佢地嘅朱古力有別於外面，係用左法國纯正嘅朱古力松露，口感上比普通朱古力更係細腻、順滑，幾乎入口即溶，不過限量300份咋，送完即止，大家唔好錯過啦！
Photo from Presslogic