大過個頭嘅發光棉花糖同爆汁漢堡係必食之選

大過個頭嘅發光棉花糖同爆汁漢堡係必食之選

Korea 韓國打卡 · Seoul 首爾
By Presslogic on 21 Dec 2017

去韓國唔係Shopping就係食食食,呢期去首爾嘅朋友就有口福啦!因為由12月15號開始到31號,呢兩個幾禮拜會喺COEX舉行「Eat The Seoul」美食節,場內雲集27間韓國美食店,由韓國傳統食品到外國美食統統都有,部分日子更加會有藝人出席,真係一個幾熱鬧嘅活動!


「Eat The Seoul」其實已經係第二次搞,五月舉辦嗰陣大受歡迎,所以主辦單位決定再次舉辦,今次有更加多極具「份量」嘅食店參與,並且分為小食攤位同餐車(其實分別不大),好似呢排燒蝦,隻隻蝦都超大,加少少燒汁已經好惹味~

Eat The Seoul
Photo from Eat The Seoul

近期大熱嘅彩虹crepe cake,呢度都會即叫即整,不過熱咗之後佢D色就無咁靚。


女士們一定會好鍾意呢個超巨大棉花糖,夜晚仲會發光!而且佢另一產品棉花糖雪糕係名廚白鍾元研發,hit到好多人都買唔到,今次機會嚟啦~


韓國傳統市場成日出現嘅綠豆煎餅同辣炒年糕等等傳統韓國小食都有得賣。


今次美食展另一款好受歡迎嘅食物就係人生雞肉串啦~其實佢嘅意思係人生點都要試一次嘅超巨型雞肉串,佢除咗長度驚人之外,上面嘅配料醬汁都好特別,首推當然係芝士味啦!

鍾意食麵包類嘅話都有好選擇,好似有超大方夾住2塊牛肉嘅漢堡,同埋最近人氣急升嘅卷卷三文治,呢個三文治堪稱係Issac toast嘅進化版。


不過小編覺得最吸引係呢個1人份量嘅pizza,細細件啱曬準備掃街嘅朋友,而且每份餐都會有埋薯條,一次過滿足兩個願望~

Eat The Seoul
Photo from Eat The Seoul

之前網上瘋傳嘅士多啤梨奶都有~~仲有成舊朱古力批D脆脆出黎嘅飲品。

Eat The Seoul
Photo from Eat The Seoul

大家買完一堆美食可以到室內用餐區開餐或者到外面草地野餐,夜晚喺場內嘅巨型狗狗模型仲會發光~


官方facebook每日都會介紹人氣食店,另外喺場內消費滿₩30000仲會免費獲得Eat The Seoul環保袋添~


Eat The Seoul Food Festival
營運日期:12月15日-31日
營業時間:12:00-22:00(31日營業至翌日01:00)
地點:首爾江南區永東大路513 COEX東面廣場
前往方法:地鐵2號線三成站(삼성)6號出口

Text: Holiday editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到[email protected],直接將資料傳比小編~謝謝~)

*本文章的圖片均經其本人或其公司授權,其他媒體不得轉載


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook