買埋SunQ Pass指定日期無限次搭乘巴士暢遊九州

買埋SunQ Pass指定日期無限次搭乘巴士暢遊九州

Japan 日本遊樂 · Kyushu 九州 · Tips 旅遊學堂 · Flight n Stay 機票住宿
By Presslogic on 22 Dec 2017

今年日本落雪比以往更多,去到邊度都係漫天雪景,一到呢D時候就會好想浸溫泉relax一下~其實九州有好多靚溫泉,喺露天風呂浸住溫泉睇迷人景色,真係人生一大樂事~小編左搵右揾,終於畀我搵到幾間景色特別靚嘅溫泉旅館,梗係要介紹畀大家啦!

風景之選:

1.龍登園(佐賀縣佐賀市)HK$2190起
福岡機場坐巴士至酒店車程約60分鐘

2. 佐賀縣佐賀市 – 龍登園
龍登園最出名就係睇到壯麗嘅脊振山區及嘉瀬川,擁有室內同室外溫泉浴池。呢度嘅日式會席料理全部都使用嚟自農場嘅有機食材,嚟到一定要試一試,就算自助餐都一樣咁新鮮美味。

2.鶯屋日式旅館(長崎縣雲仙市) HK$1840起
福岡機場至酒店車程約2小時25分鐘

鶯屋日式旅館

鶯屋日式旅館位於湯量豐富嘅小濱溫泉中心位置,不過大家只要嚟過都會覺得舟車勞頓係唔會白費,因為無論係大浴場、石庭露天風呂定客房,都可以睇到一望無際嘅大海同夕陽,個人都治癒D啦~

3.青島酒店(宮崎縣宮崎市) HK$2330起
鹿兒島機場至酒店車程約1小時30分鐘

8. 青島

鐘意望住個海浸溫泉嘅話,呢度又係一個好選擇,酒店位於島端,可以欣賞到太平洋日南海岸,佢嘅溫泉係天然自噴溫泉,小編最鐘意呢度每間房都好光猛,望住個海即時令身心都平靜曬~

美肌/藥用之選:

1.六峰館(福岡縣朝倉市) HK$3080起
福岡機場乘巴士至酒店車程約60分鐘

1. 福岡縣朝倉市 – 六峰館

六峰館有室外及室內外溫泉浴池同埋桑拿浴室,室外溫泉可以睇到庭園景色,最重要係溫泉有美肌效果,浸完皮膚又白又滑~想私隱度高D,酒店部分客房都設有私人溫泉浴池,有D房間係對住條河,夜晚好有feel㗎。

2.華翠苑(佐賀縣嬉野市)HK$2900起
福岡機場至酒店車程約1小時20分鐘

3. 佐賀縣嬉野市 – 華翠苑

華翠苑位於九州佐賀縣嘅嬉野溫泉,呢個嬉野市中心地帶湧出嘅溫泉係日本三大美肌溫泉之一,浸過有美膚效果嘅重曹泉之後,皮膚會好似BB肌膚咁幼嫩,仲可以睇住星星浸溫泉,好浪漫呢!最近佢地仲推出佐賀A5和牛極上會席料理,人生點都要試一次佐賀和牛,睇下佢有幾好食!

3.花之別府酒店(大分縣別府市) HK$3520起
福岡機場至酒店車程約2小時20分鐘

7. 花之別府

愛美嘅女士們應該要收藏呢間酒店,因為佢嘅溫泉泉質係碳酸氫鈉,有美肌作用又可以高效保濕,所以又稱為美肌の湯、美人の湯,佢仲有個家庭湯特別畀一家人齊齊浸勁溫馨~

4.花鮎之里(熊本縣人吉市) HK$3080起
福岡機場至酒店車程約2小時20分鐘

花鮎之里

嚟到呢度一定要浸一浸佢個足湯同埋空間感極大嘅大浴場!唔講唔知,人吉温泉泉質係塩化物温泉,有藥用功效,可以治筋肉痛、神經痛、 關節痛同埋五十肩等等,浸完一身都鬆曬。

寧靜之選:

1.雲仙溫泉東園(長崎縣雲仙市) HK$4500起
由福岡機場坐巴士到酒店車程約2小時30分鐘

5. 長崎縣雲仙市 – 雲仙溫泉東園

旅館設有露天風呂同埋對住湖泊嘅大浴場,感覺就好似自己浸喺湖度。呢度嘅庭園都好值得大家打卡,特別係冬天嗰陣鋪滿白雪,著住浴衣影相都幾靚㗎~另外旅館料理都係焦點之一,除咗食材高質之外,連器皿都係精心挑選過,十足十藝術品。

2.摘草之宿(鹿兒島縣霧島市) HK$4940起
鹿兒島機場至酒店車程約30分鐘

9. 摘草之宿

摘草之宿唔單只交通方便,成間酒店只有6間客房,而且全部都有室内溫泉或露天風呂,私隱度極高,最適合唔鐘意太熱鬧嘅人,每一間房都有唔同主題,但都有一個共通點-一樣都咁寫意~

九州咁大,好多人會選擇一次過去幾個縣睇多D景點,去開日本都知道買交通pass係好重要,喺九州嘅話SunQ Pass都幾方便,三日票或四日票可以連續幾日無限次搭乘巴士,玩曬九州7個縣加下關,宜家去專業旅運就可以買到呢張Pass,一早準備好,出發就可以更加輕鬆自在啦~

更多詳情:
溫泉酒店預訂
SunQ Pass

Text: Holiday editorial

*本文章的圖片均經其本人或其公司授權,其他媒體不得轉載


Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 [email protected]比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic

Share to Facebook