少女心爆發！每個蛋糕都係藝術品！蛋糕顏色、口味、造型均可自由配搭！

生日、情人節送咩好？食蛋糕係常識吧！如果可以自己親手整埋送比人，份心意就更大啦！位於港島東區柴灣區嘅isweets317 studio蛋糕小店就可以幫到你，重點係佢嘅開放時間係星期一至日，紅日如常，一定可以配合到你！

Photo from Presslogic
isweet嘅店主Louis一直講自己係一個自由工作者，佢整嘅蛋糕除左顏色可以自由配搭之外，蛋糕嘅口味同造型都可以自己揀，只要Louis整得到，就一定整到比你。其實Louis之前係主修art，畫抽象畫為主，所以佢嘅蛋糕都結合左抽象派嘅畫風，特別得黎顏色又好靚。

店主鍾意同客人交流，所以希望可以藉著依個小小嘅甜品烘焙工房，以私人小班形式教學，主要1對1或1對2為主。佢希望盡量體貼每位客人對整蛋糕嘅喜好要求，同時可以令客人係整甜品嘅時候係開心，留下美好嘅回憶。佢話即使零經驗都冇問題，會教您用簡易方法去製作你想要嘅蛋糕。
Photo from Presslogic

而且佢嘅蛋糕唔會用任何牛油、植物油焗製，主張低糖烘焙，蛋糕綿身鬆軟，仲採用埋韓國製低糖、無反式脂肪嘅甜忌廉，沿用埋瑞典空運嘅朱古力醬饀料、泰國雞蛋、台灣高級低根麵粉製作蛋糕原材料，真係食多D都完全冇罪惡感呀！
Photo from Presslogic

蛋糕入面嘅餡主要有三款揀，有海綿蛋糕味：金莎榛子朱古力(有榛子粒)、黑朱古力、香橙朱古力、雲呢拿、香芋、綠茶 、蜜瓜、香橙(揀一款)；蛋糕夾心：士多啤梨、蜜桃、雪梨、奇異果、芒果、藍莓、罐頭雜果、紅豆蓉、栗子蓉(揀一款，如果要紅豆或栗子蓉需另+$30)；甜忌廉味：金莎榛子朱古力(有榛子粒)、黑朱古力、香橙朱古力、雲呢拿、香芋、綠茶 、蜜瓜、香橙(揀一款)。

Photo from Presslogic
今次小編試左幾款蛋糕，先黎係甜筒蛋糕Cone Cake，真係超靚，小編極愛星球夢幻感覺嘅蛋糕，依一款完全呈現出黎，加上倒轉嘅甜筒好特別，好多客人以為係真軟雪糕，怕溶，但大家唔洗擔心，其實係奶油忌廉加左少少食用銀粉，令成件事睇落去更加靚同吸引。而蛋糕入面就揀左藍莓、金莎榛子朱古力上黑朱古力海綿蛋糕，外面仲有白朱古力，食落去唔會覺得好甜，完全岩岩好，真係又靚又好食。
Photo from Presslogic

第二款係鮮花蛋糕Flower Cake，你冇睇錯，佢地係用真鮮花去整，今次依款蛋糕運用左鮮粉紅玫瑰花，加上小花束、馬卡龍、食用桂花、蝴蝶做裝飾，靚到唔識形容，未食已經要不斷打卡，送比女朋友、老婆、媽咪就岩晒啦！
Photo from Presslogic
Photo from Presslogic

第三款又係月球燈蛋糕Moon Cake，不過今次嘅月球燈真係有種月球凹凹凸凸嘅表面，而且唔只係白燈，仲可以變黃燈，重點係月球唔會直接照近蛋糕，而家係三粒馬卡龍承托住，如果你想刻字就需要早兩星期講明啦！
Photo from Presslogic
Photo from Presslogic

iSweets有關課程可彈性自選時間，大約預2至3小時就可以完成，不過想整蛋糕比人就不如早D約啦，因為有機會撞booking，如果小班教學撞時段或截單就可能需要另改日子，先到先得架！

iSweets317 Studio
地點：小店為於港島東區柴灣，近地鐵站（詳情請直接與店主聯絡）
電話：63578315（歡迎whatsapp Mr.Lai查詢教學同預訂資訊）
開放時間：星期一至日，下午1～10pm，紅日如常
（教班時間可跟店主自由互相配合，課程可彈性自選時間，大約預2～3小時，課程有註明詳情）
Facebook：@isweets317
Instagram：isweets317
Email：isweets317@gmail.com

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載